آرمی چیف نے سی پیک کے فروغ میں اہم کردار ادا کیا، وزیراعظم

اسلام آباد (ویب ڈیسک) وزیراعظم شہباز شریف نے کہا ہے کہ آرمی چیف جنرل عاصم منیر نے سی پیک کو آگے بڑھانے میں اہم کردار ادا کیا۔ چین کے مشہور بینکوں اور کمپنیوں کو ایوارڈ دینے کی تقریب سے خطاب کرتے ہوئے وزیراعظم شہباز شریف نے کہا کہ ہم سی پیک کے دوسرے مرحلے میں داخل ہو رہے ہیں۔ انہوں نے کہا کہ چین کی سرمایہ کاری سے پاکستان کا معاشی منظر نامہ بدل گیا، چینی کمپنیوں اور بینکوں نے پاکستان کی ترقی میں کردار ادا کیا، آرمی چیف جنرل عاصم منیر نے سی پیک کے فروغ میں اہم کردار ادا کیا۔