عمرڪوٽ ۾ پ پ اڳواڻ رميش ڏيون ڪمار مالهي جي سالگره جون تقريبون منعقد

عمرڪوٽ (رپورٽ:ڪانجي مل رکيسر) پاڪستان پيپلز پارٽي منارٽي ونگ ڊويزن ميرپورخاص جي صدر رميش ڏيون ڪمار مالهي جي سالگره جي مناسبت سان عمرڪوٽ ۾ شاندار تقريبون منعقد ڪيون ويون، سالگره جي تقريبن جو اهتمام رتن ڪمار مالهي هائوس، ڊي ڪي ٽائون عمرڪوٽ ۽ وجئه ڪمار سانگھاڻي جي دڪان تي ڪيو ويو، جتي سندس دوستن، ساٿين ۽ شهرين وڏي انگ ۾ شرڪت ڪئي تقريبن دوران شرڪت ڪندڙن پاران رميش ڏيون ڪمار مالهي سان محبت جو اظهار ڪندي کيس سالگره جي واڌايون ڏنيون ويون، رتن ڪمار مالهي هائوس تي ڪيڪ ڪاٽڻ جي تقريب ٿي، جنهن جي ميزباني پيپلز پارٽي اڳواڻ رتن ڪمار مالهي ڪئي، ان موقعي تي پون رتن ڪمار سوماڻي، ڀرت رتن ڪمار سوماڻي، او پي ايس مالهي، منٺار آريسر، ھريش پيٿاڻي، وجئه ڪمار سانگھاڻي، وڪي مالهي، رجنيش مالهي ۽ ٻين شرڪت ڪئي، ساڳئيءَ ريت ڊي ڪي ٽائون عمرڪوٽ ۽ وجئه ڪمار سانگھاڻي جي دڪان تي پڻ سندس چاهيندڙن پاران سالگره جو ڪيڪ ڪاٽيو ويو، جتي مٽن مائٽن، دوستن ۽ سياسي سماجي شخصيتن وڏي انگ ۾ شرڪت ڪئي، جن ۾ جئه چوهاڻ، نعيم درس، صحافي سورج ڪمار مالهي، ڀواني پرڪاش مالهي، راڻو مل درزي ۽ ٻيا شامل هئا، تقريبن دوران اڳواڻن پاران رميش ڏيون ڪمار مالهي جي سياسي، سماجي ۽ تنظيمي خدمتن کي ساراهيندي چيو ويو ته هو پيپلز پارٽي منارٽي ونگ ڊويزن ميرپورخاص جو فعال، وفادار ۽ عوام دوست اڳواڻ آهي، جنهن اقليتي برادري جي مسئلن کي اجاگر ڪرڻ لاءِ هميشه ڀرپور ڪردار ادا ڪيو آهي، آخر ۾ تقريب جي ميزبانن ۽ شرڪت ڪندڙن پاران رميش ڏيون ڪمار مالهي لاءِ نيڪ تمناون پيش ڪيون ويون ۽ کيس صحت، دراز عمر ۽ اڳتي وڌندڙ سياسي سفر لاءِ ڀيٽا پيش ڪئي وئي.