ملير ۾ ريتي بجري جي چوري، هيوي ٽريفڪ جي رواني ۽ ٻين مسئلن خلاف ڌرڻو

ملير(رپورٽر)ملير ۾ ريتي بجري جي چوري هيوي ٽريفڪ جي رواني تڪراري ڪئنالن ۽ فلسطين تي اسرائيلي حملن خلاف پير سرهندي ڳوٺ جا رهواسي احتجاج ڪندا رستن تي نڪري آيا رزاق آباد کان ميمڻ ڳوٺ روڊ تي ڌرڻو ريتي بجري جي ڊمپرن ۽ هيوي ٽريفڪ کي روڪي واپس ڪيو وڃي اسان جون حياتيون ۽ مستقبل ھيوي ٽريفڪ ۽ ريتي بجري جي ڊمپرن حوالي ڪيو ويو آھي رهيل ڪسر سنڌو دريا مان تڪراري ڪئنال ڪڍي پوري ڪئي پئي وڃي جي نه اٿياسين ته فلسطينن جھڙو سلوڪ ٿيندو اڳواڻن جون صحافين سان ڳالھيون تفصيل موجب ملير ۾ ريتي بجري جي چوري هيوي ٽريفڪ جي رواني تڪراري ڪئنالن ۽ فلسطين تي اسرائيلي حملن خلاف پير سرهندي ڳوٺ جا رهواسي نظير جوکيو زلفي جوکيو ارشد جوکيو جي اڳواڻي ۾ احتجاج ڪندا رستن تي نڪري آيا ۽ رزاق آباد کان ميمڻ ڳوٺ روڊ تي ڌرڻو ريتي بجري جي ڊمپرن ۽ هيوي ٽريفڪ کي روڪي واپس ڪيو ان موقعي تي اڳواڻن چيو ته اسان جون حياتيون ۽ مستقبل ھيوي ٽريفڪ ۽ ريتي بجري جي ڊمپرن حوالي ڪيو ويو آھي رهيل ڪسر سنڌو دريا مان تڪراري ڪئنال ڪڍي پوري ڪئي پئي وڃي جي نه اٿياسين ته فلسطينن جھڙو سلوڪ ٿيندو هنن چيو ته سنڌو دريا مان پاڻي ڪينجهر ذريعي ڪراچي کي ملندو آھي ڪئنالن ٺھڻ سان سڀ کان وڌيڪ متاثر ڪراچي شھر ٿيندو هنن مطالبو ڪيو ته فوري طور ڪئنالن ۽ ڪارپوريٽ فارمينگ جھڙا سنڌ دشمن منصوبن سميت ملير جي ندين نالن مان ريتي بجري جي چوري کي فوري طور روڪي هيوي ٽريفڪ کي بند ڪيو وڃي نت ٻئي.صورت ۾ احتجاجي جو سلسلو تيز ڪيو ويندو