ملير: ڊجيٽل آدمشماري جي نالي ۾ سنڌي ڊيموگرافي سان هٿ چراند بند ڪئي وڃي: سيد زين شاهه

وفاق پيپلز پارٽي سان گڏجي سنڌ جي وحدانيت خلاف جيڪا سازش ڪري رهيو آهي

ملير: ايس يو پي جي مرڪزي اڳواڻ سيد زين شاهه چيو آهي ته ڊجيٽل آدمشماري جي نالي ۾ سنڌي ڊيموگرافي سان هٿ چراند بند ڪئي وڃي، وفاق پيپلز پارٽي سان گڏجي سنڌ جي وحدانيت خلاف جيڪا سازش ڪري رهيو آهي اها ڪنهن به صورت ۾ برداشت نه ڪئي ويندي، سيد زين شاهه چيو ته آدمشماري جي نالي ۾ جيڪي ڌريون لسانيت ڦهلائي رهيون آهن انهن جي سخت مذمت ڪيون ٿا، سنڌ جو عوام پنهنجي وطن خلاف ٿيندڙ سازش کي سمجهن ۽ وطن دوست قيادت سان گڏ بيهن، سيد زين شاهه جو چوڻ هو ته اسان جو اهو فرض آهي پنهنجي وڇڙي ويل ساٿين کي ياد ڪيون، رزاق شر قومي تحريڪ جو اثاثو هيو، پيپلزپارٽي اقتدار خاطر سنڌ جو سودو ڪرڻ بند ڪري ٻي صورت ۾ اهي ڀوتار سنڌ اندر گهمي نہ سگهندا، ڪئين ممڪن آهي ته لکين غيرملڪين جي هوندي سنڌ اندر شفاف آدمشماري ٿي سگهي.هن چيو ته آدمشماري جي نالي ۾ جيڪي ڌريون لسانيت جي ڳالهه ڪري رهيون آهن اهڙين ڌرين سخت لفظن ۾ مذمت ڪجي ٿي.