ملير: فشرمين ڪو آپريٽو سوسائٽي جي 7 ڊائريڪٽرن جي چونڊ اڄ ٿيندي

ستن ورهين کانپوءِ ڊائريڪٽرن جي چونڊ ڪراچي فش هاربر اٿارٽي جي سوسائٽي آفيس ۾ ٿيندي

ملير(عبدالرشيد مورجھريو) مھاڻن جي ڀلائي لاء 1945۾ ٺاھيل تنظيم فشر مين ڪو آپريٽر سوسائٽي جي 7ڊائريڪٽرن جي چونڊ 7سالن کان پوء اڄ ڪراچي فش هاربر اٿارٽي جي سوسائٽي آفيس ۾ ٿيندي، 11هزار هڪ سو 82 رجسٽرڊ مھاڻا ووٽر پنهنجي پسند جي اميدوار کي ووٽ ڏيندا. اڄ ٿيندڙ چونڊن ۾ اميدوارن جا ٻه پينل حصو وٺي رهيا آھن تفصيل موجب مھاڻن جي ڀلائي لاء 1945۾ ٺاھيل تنظيم فشر مين ڪو آپريٽر سوسائٽي جي 7ڊائريڪٽرن جي چونڊ 7سالن کان پوء اڄ ڪراچي فش هاربر اٿارٽي جي سوسائٽي هال ۾ ٿيندي جنهن ۾11هزار هڪ سو 82 رجسٽرڊ مھاڻا ووٽر پنهنجي پسند جي اميدوار کي ووٽ ڏئي ڪامياب ڪندا ان سلسلي ۾ معلوم ٿيو آھي ته فشر مين ڪو آپريٽر سوسائٽي جي آخري اليڪشن 2017۾ ٿي هئي هنهن کان پوء تڪرارن قانوني پيچيدگين سبب هنن 7سالن ۾ مسلسل ايڊمنسٽر ئي سوسائٽي کي هلائندا ر هيا آھن سرگرم مھاڻن جي اڳواڻ جي طرفان عدالتن مسلسل ڪيس ڀوڳيندي آخر ڪار سوسائٽي ۾ اليڪشن جي تاريخ مقرر ڪئي وئي ياد رهي ته سوسائٽي جي آئين ۾ ترميم ڪري 8سرڪاري ۽ 7مھاڻن جي نمائندن تي بورڊ آف ڊاريڪٽر جوڙيو ويو جنهن کان پوء گھڻائي سرڪاري ڊاريڪٽرن جي هجڻ ڪري سوسائٽي جو چيئرمين هميشه سرڪاري نمائندو مقرر ڪيو ويندو آھي سوسائٽي کي وجود ۾ايندي 80سال ٿي ويا آھن جنهن جي ميمبر شپ اوائلي دور ۾ 11هزار 1سو 82تائين ڪئي وئي جنهن بعد اڃان تائين ڪابه نئي ميمبر شپ نه ٿي سگهي آھي جڏهن ته آئين موجب فشر مين ڪو آپريٽو سوسائٽي جو ميمبر سنڌ ۽ بلوچستان جي سامونڊي پٽي تي آباد هر باعمل مھاڻو ٿي سگهي ٿو پراڻي ميمبر شپ مان ذريعن موجب 6هزار کان وڌيڪ مھاڻا هي جهان ڇڏي چڪا آھن ۽ هن وقت جيڪي زنده بچيل ميمبر آھن انهن جو تعداد 3هزار ٻڌايو وڃي ٿو