ملير: رزاق آباد ۾ رٽائرڊ پوليس خلاف رهواسين جو احتجاجي مظاهرو

ملير (رپورٽ: عبدالرشيد مورجھريو) رزاق آباد ۾ رٽائرڊ پوليس اهلڪار رهواسين لاءِ رڻ ٻاري ڏنو، اعتراض ۽ اختلاف ڪندڙ واپارين، سياسي سماجي ڪارڪنن ۽ علائقي معززن خلاف شاھ لطيف ٿاڻي تي ڪيترائي ڪوڙا ڪيس داخل، اهلڪار جي ڏاڍائي، ڪوڙا ڪيس مڙهڻ خلاف علائقي واسي رستن تي نڪري آيا، رزاق آباد جي مک بازار ۾ ريلي ۽ عوامي پريس ڪلب ملير اڳيان ڌرڻو، ڄاڻايل اهلڪار پاڻ کي پوليس کاتي جو مالڪ چوي ٿو۽ علائقي ۾ هر ڏوهه جي سرپرستي ڪري ٿو سندس خلاف ڪاروائي ڪري ڳوٺاڻن خلاف مڙهيل ڪوڙا ڪيس ختم ڪيا وڃن ٻي صورت ۾ نيشنل هاءِ وي تي ڌرڻو هڻنداسين، احتجاجي ڳوٺاڻن جو مطالبو تفصيل موجب ملير جي علائقي رزاق آباد جي غريب آباد ۾ رٽائرڊ پوليس اهلڪار منور اعواڻ رهواسين لاءِ رڻ ٻاري ڏنو آهي سندس ڪُڌي ڪمن تي اعتراض ۽ اختلاف ڪندڙ واپارين سياسي سماجي ڪارڪنن ۽ علائقي معززن فراز ٽڳڙ، حسن ڪلمتي، منصور علي ۽ ٻين خلاف شاھ لطيف ٿاڻي تي ڪوڙا ڪيس داخل ڪرايا جنهن خلاف علائقي واسين رزاق آباد جي مک بازار ۾ ريلي ڪڍي عوامي پريس ڪلب ملير اڳيان ڌرڻو هنيو مظاهرو ڪندڙن جي هٿن ۾ بينر ۽ پلي ڪارڊ هئا ۽ هو پوليس اهلڪار منور پنجابي کي گرفتار ڪريو، غنڊه گردي بند ڪريو جا اُڀ ڏاريندڙ نعرا هڻي رهيا هئا ان موقعي تي احتجاج جي اڳواڻي ڪندڙ فياض ٽڳڙ، محمد ڪلمتي، فيض هيسباڻي، نوشاد ٽڳڙ ۽ ٻين چيو ته منور اعواڻ پوليس کاتي جو سهارو وٺي علائقي ۾ هر غير قانوني ڪم جي سربراهي ڪري رهيو آهي ڄاڻايل اهلڪار چرس، آئيس، ڪروڊ آئل وڪرو ڪرڻ جي ڏوھ ۾ سندس گهر تي ڇاپا به لڳا آهن پر هو واسطا استعمال ڪري ۽ ڏي وٺ ڪري پنهنجي جان آجي ڪرائي ڇڏي ٿو هنن چيو ته جيڪڏهن علائقي معزز سندس غير قانوني سرگرمين تي اعتراض يا اختلاف ڪن ٿا ته کين ڪوڙا ڪيس ڪرائي گرفتار ڪرائي ٿو ۽ پاڻ کي پوليس کاتي جو مالڪ چوي ٿو ڇاڪاڻ ته شاھ لطيف پوليس ساڻس ٻٽ بڻيل آهي سندس خلاف ڪاروائي ڪري ڪوڙا ڪيس ختم ڪيا وڃن ٻي صورت ۾ نيشنل هاءِ وي تي ڌرڻو هڻنداسين