شڪارپور ۾ ڳوٺاڻي جو بااثرن خلاف احتجاجي مظاهرو

خوني جهيڙي بعد جرڳي دوران ٻن خونن جو ڏنڊ لڳو هو، رقم ادا ڪري ڇڏي: شاهنواز جيهو

شڪارپور (احسان ابڙو ) شڪارپور جي ڳڙھي ياسين تعلقي جي ڳوٺ شاھ محمد جيھو واسي شاھنواز جيھو دردن جو داستان کڻي عوامي ڪئمپ پھتو جتي ميڊيا سان ڳالھائيندي الزام هڻندي شاھنواز جيھو چيو تہ نوي جي ڏهاڪي ۾ ھن جو والد عزيزالله جيھو کي نامعلوم ماڻھن قتل ڪيو جنھن جو الزام ڏيٿا برادري جي ڌر ۽ نادر جيھو ڌر تي لڳو جنھنجو فيصلو سردار ھمٿ علي خان ڪماريو ڪري الزام ھيٺ آيل ڌرين مٿان ڏنڊ رکيو ويو ڏنڊ جي قسطن مان نادر جيھو ڌر ڏانھن 50000 پنجاھ ھزار رھجي ويا انجام جو وقت پورو ٿي ويو سردار ھمٿ ڪماريو ڏي بار باد پنڌ ڪيا جنھن آخر ۾ چيو ته توکي جھيڙي ڪرڻ جي ڀلا مڙسي ناھين ڇا سردار جي اھڙي ھشي بعد شاھنواز جيھو ڪاوڙ ۾ اچي ھٿيارن سان ليس ٿي 2007 ۾ نادر جيھو جي ڌر جي مدئجي ٿاڻي جي حد ڳوٺ ابراھيم واسين ٻن ڄڻن معشوق جيھو ۽ شمن جيھو کي فائرنگ ۾ قتل ڪري ڇڏيو ھن وڌيڪ چيو ته 2011 تائين اسان جو جھيڙو ھلندو رھيو جنھن بعد ساڳي سردار ھمٿ ڪماريو وٽ فيصلو ٿيو مون مٿان ٻن خونن جو ڏنڊ وڌو ويو شاھنواز جيھو جو چوڻ ھيو ته ڏنڊ رقم ادا ڪرڻ باوجود ھيل تائين 2025 يعني 14 چوڏھون سال ٿي ويو آ جو مونکي راضي نامو نٿو ڏياريو وڃي پنھنجي والد جي پڳ پائيندڙ ذوالفقار خان ڪماريو ، مدئجي ٽائون چيئرمين نجف خان ڪماريو ڏانھن بار بار پنڌ ڪرڻ باوجود پنھنجي پيءُ جي ڪيل فيصلي تي عمل ڪرائي نادر جيھو ڌر کان راضي نامو نه پيو ڏياريو وڃي ۽ ٻيھر جھيڙي طرف ڌڪيو پيو وڃي ھن پاران آء جي سنڌ ، ڊي آء جي لاڙڪاڻو ، ايس ايس پي شڪارپور ، چيف جسٽس ۽ وس وارن کان نوٽيس وٺڻ جو مطالبو ڪيو ويو آهي