وفاقی کابینہ میں مزید24 ارکان کی شمولیت، 13وزرا اور 11وزرائے مملکت نے حلف اٹھالیا

ایوان صدر میں صدر مملکت آصف علی زرداری نے نئے وزرا سے حلف لیا

اسلام آباد؛ وفاقی کابینہ میں 24 نئے وزرا کی شمولیت ہوگئی، وزرا نے ایوان صدر میں ہونے والی تقریب میں حلف اٹھالیا۔حلف برداری کی تقریب ایوان صدر میں ہوئی جہاں صدر مملکت آصف علی زرداری نے نئے وزرا سے حلف لیا۔حلف برداری کی تقریب میں وزیراعظم شہبازشریف اور چیئرمین سینیٹ یوسف رضا گیلانی بھی موجود تھے۔آج 13 وفاقی وزرا اور 11وزرائے مملکت نے حلف اٹھایا ہے۔ وفاقی کابینہ میں نئے تین مشیر بھی شامل کیے گئے ہیں۔حلف لینے والوں میں حنیف عباسی، معین وٹو،مصطفیٰ کمال،سردار یوسف، اورنگزیب کچھی، رانا مبشر، رضا حیات ہراج، طارق فضل چوہدری، علی پرویزملک،شزا فاطمہ،جنید انور،خالد مگسی اور پیرعمران شاہ نے بھی بطوروفاقی وزیرحلف اٹھایا۔ان کے علاوہ طلال چوہدری، بیرسٹرعقیل ملک، ملک رشید، ارمغان سبحانی،کھیئل داس کوہستانی، عبدالرحمان کانجو، بلال اظہرکیانی، مختاربھرت، شزرا منصب،عون چوہدری اور وجیہہ قمر نے بھی بطور وزیرمملکت حلف اٹھایا۔