نوشهرو فيروز ۾ مها شِوَ راتڙيءَ جو ٻن ڏهاڙن وارو ميلو وڏي ڌام ڌوم سان شروع

شو ميلي جو افتتاح درٻار جي گادي نشين سائين رام داس شِو لنگ تي کير ۽ ڦل فروٽ چاڙهي ۽ خصوصي پوڄا پاٽ سان ڪيو

نوشهرو فيروز(ڊر)نوشهرو فيروز ۾ مها شِوَ راتڙيءَ جو ٻن ڏهاڙن وارو ميلو وڏي ڌام ڌوم سان نوشهرو فيروز جي شِو مندر ۽ درٻار صاحب بابا جمناداس اداسين ۾ ملهايو پيو ويو، جنهن ۾ پوري سنڌ کان آيل پريمي وڏي تعداد ۾ شريڪ آھن. شو ميلي جو افتتاح درٻار جي گادي نشين سائين رام داس شِو لنگ تي کير ۽ ڦل فروٽ چاڙهي ۽ خصوصي پوڄا پاٽ سان ڪيو. ان موقعي تي سائين رام داس چيو ته مانگهه جي هن مهيني ۾ شِو پارِوَتِي جي شادي ٿي هئي تنهن ڪري هي رات اسان لاءِ وڏي خوشي واري مهان رات آھي. هن چيو ته شو جو هيءُ ميلو اسان جي ساهتي پرڳڻي ۾ وڏي ڌام ڌوم سان هلندو آھي ۽ عقيدتمند اچي درٻار صاحب تي سيوا ڪندا آھن. هنن راتين ۾ پوڄا ارتي کان پوءِ ڪيرتن ڪيو ويندو آھي ۽ ٻئي ڏينهن تي ورت ڇوڙبو آھي پهرئين رات شو جي هن ميلي ۾ سنڌ جي ناليواري ڀڳت سونو ڪمار ۽ سندس ٽولي ستسنگ ڪيو ۽ ڀڳت مرلي ڌر ستسنگ ۽ پاٺ ڪيو