کراچی (اسپورٹس رپورٹر) 19 فروری کو بین الاقوامی رسہ کشی کے دن کے موقع پر سندھ ٹگ آف وار ایسوسی ایشن کے زیراہتمام کراچی ہاکی ایسوسی ایشن (KHA) میں شاندار مقابلے منعقد ہوئے۔ ان مقابلوں میں مختلف ٹیموں نے بھرپور جوش و خروش کے ساتھ حصہ لیا، اور شائقین کو دلچسپ اور سنسنی خیز مقابلے دیکھنے کو ملے۔ تقریب میں سندھ اور کراچی ٹگ آف وار ایسوسی ایشن کے عہدیداران نے شرکت کی، جن میں گلفراز خان، محمد جاوید، محمد ندیم اور دیگر آفیشلز شامل تھے۔ شرکاء نے کھیل کے فروغ کے لیے ایسوسی ایشن کی کاوشوں کو سراہا اور اس ایونٹ کے کامیاب انعقاد پر منتظمین کو مبارکباد دی۔
سندھ ٹگ آف وار ایسوسی ایشن کے عہدیداران کا کہنا تھا کہ اسپورٹس کی ترقی اور نوجوانوں کو مثبت سرگرمیوں میں شامل کرنے کے لیے ایسے مقابلے انتہائی ضروری ہیں۔ انہوں نے اس عزم کا اظہار کیا کہ آئندہ بھی اس کھیل کے فروغ کے لیے مزید اقدامات کیے جائیں گے۔ تقریب کے اختتام پر کامیاب ٹیموں اور نمایاں کارکردگی دکھانے والے کھلاڑیوں میں انعامات تقسیم کیے گئے۔پروگرام کے مہمانِ خصوصی سیکریٹری سندھ اولمپک ایسوسی ایشن احمد علی راجپوت، جاوید اقبال سیکریٹری سندھ ٹگ آف وار ایسوسی ایشن، صدر گلفراز احمد خان صدر، خالد رحمانی، محمد سلیم، محمد ندیم، محمد ہارون، شاہزیب خان، زمان مشیدہ، فہیمرہ ضمیر خالدہ ناز، ڈاکٹر فرح اور کاشف احمد فاروقی موجود تھی۔
0 تبصرے