نوشھروفيروز ۾ هاسپيٽل بيسڊ بلڊ بئنڪ سول اسپتال پاران رت جو عطئي جي ڪيمپ لڳائي وئي

41 views | 19th Feb 2025 • سنڌي خبرون

نوشھروفيروز ۾ هاسپيٽل بيسڊ بلڊ بئنڪ سول اسپتال پاران رت جو عطئي جي ڪيمپ لڳائي وئي

نوشھروفيروز(ڊر) هاسپيٽل بيسڊ بلڊ بئنڪ سول اسپتال نوشھروفيروز پاران ڳوٺ پريل سرگاڻي ۾ اسوا ۽ انجمن جعفريه جي تعاون سان مفت رت جي عطيي جي ڪئمپ لڳائي ويئي جنهن ۾ ڳوٺاڻن وڏي انگ ۾ رت جو عطيو ڏنو ان موقعي تي ڪئمپ جي اڳواڻن ڊاڪٽر سراج الدين غلام اڪبر ناريجو، اعجاز ممنائي پروفيسر منور علي سرگاڻي پروفيسر علي اڪبر سرگاڻي غلام عباس سرگاڻي۔ فقير اشرف علي ۽ توفيق علي سرگاڻي چيو ته رت جو عطيو ڏيڻ سان انساني جسم ۾ نئون رت پيدا ٿئي ٿو ۽ انسان صحتمند رهي ٿو ۽ صحتمند انسان ئي دنيا ۾ بهتر زندگي گذاري سگهي ٿو اڳواڻن چيو ته اسان جي خوش نصيبي آھي جو سول اسپتال نوشھروفيروز ۾ قائم ٿيل هاسپيٽل بيسڊ بلڊ بئنڪ 24 ڪلاڪ غريب مريضن جي خدمت ڪري رهي آھي جنهن ۾ ٿيليسميا ۽ ڊائلاسز سميت ايمرجنسيء ۾ ايندڙ مريضن کي رت ڏنو وڃي ٿو هيء ڪئمپ به انهن مريضن لاء عطيو ڪري رهيا آهيون اڳواڻن هر صحتمند شخص کي دعوت ڏني ته سول اسپتال نوشھروفيروز قائم هاسپيٽل بيسڊ بلڊ بئنڪ سان تعاون ڪن ته جيئن انسانيت جي خدمت ڪري سگهون۔