سجاول ۾ ڳوٺاڻي پاران پٽ سميت ڌيءَ جي مبينا اغوا خلاف احتجاج

2مهينا اڳ منهنجي شادي شده ڌيءَ زينب ٿهيم کي اغوا ڪيو ويو: عزيزالله ٿهيم

سجاول (رپورٽر ) سجاول ۾ ڳوٺاڻي پاران اغوا ٿيل ڌيءَ جي بازيابي لاءِ احتجاج، ڇڇ جهان خان واسي عزيزالله ٿهيم پنهنجي پٽ علي شير ٿهيم سان گڏ سورج سجاولي پريس ڪلب آڏو احتجاج ڪندي صحافين اڳيان داهيندي چيو ته ٻه مهينا اڳ منهنجي شادي شده ڌيءَ زينب ٿهيم کي منهنجي برادري جي ماڻھن نالي غلام نبي ٿهيم، زمان ٿهيم، عرس ٿهيم، شڪور ٿهيم، يونس ٿهيم، محمد ٿهيم ۽ قاسم ٿهيم وارا گهران اغوا ڪري کڻي ويا هئا ۽ نياڻي کي مارڪٽ ڪري زوري ڪورٽن ۾ ڪوڙا بيان ڪرائي عبدالشڪور ٿهيم سان نڪاح ڪرائي ڇڏيو جڏھن ته منهنجي نياڻي جي اڳ ۾ به منهنجي سئوٽ سان راڄوڻي نڪاح ٿيل هو جنهن جا مون وٽ ثبوت پڻ موجود آهن. متاثر چيو ته هنن ٻيڻون منهنجي ڌيءَ جي اغوا جي مون پيءُ خلاف جاتي ٿاڻي تي ايف آئي آر داخل ڪرائي هئي جيڪا سراسر غلط ۽ ڪوڙي هئي جنهن جي اڄ ايڊيشنل سيشن ڪورٽ سجاول جي عدالت مان بيل ڪرائي آهي. متاثر چيو ته آئون پيءُ پنهنجي نياڻي کي ڪيئن ٿو اغوا ڪري سگهان جڏھن ته ان وقت آئون بيمار جي حالت ۾ ڪراچي جي نجي اسپتال ۾ داخل هوس، متاثرچيو ته آئون غريب مسڪين آهيان ظالمن منهنجي ڌيءَ کي اغوا ڪري اسان کي موتمار ڌمڪيون ڏئي رهيا آھن، هن آئي جي سنڌ، ڊي آئي جي حيدرآباد ۽ ايس ايس پي سجاول کي اپيل ڪندي چيو ته ڌيءَ کي فورن ڪورٽ سڳوري ۾ پيش ڪري منهنجي سامهون روبرو بيان ورتو وڃي ۽ اسان کي هاڻي انهن ماڻھن مان جان جو خطرو آهي کين گرفتار ڪري مون سان انصاف ڪيو وڃي.