سنڌياڻي تحريڪ پاران مورو ۾ تربيتي ڪلاس، وڏي انگ ۾ سنڌياڻين جي شرڪت

سنڌياڻي تحريڪ سنڌي سماج ۾ خاموش انقلاب آندو آھي، جدوجھد ۾ اھڙو ڪردار ادا ڪيو آھي: بختاور ملاح ۽ ٻيون

نوشهروفيروز(ڊر) سنڌياڻي تحريڪ ضلع نوشهروفيروز پاران تربيتي ڪلاس مورو ۾ ٿيو. جنھن ۾ سنڌياڻين جي وڏي انگ شرڪت ڪئي. سنڌياڻي تحريڪ جي تاريخ تي ليڪچر ڏيندي سنڌياڻي تحريڪ جي مرڪزي اڳواڻ بختاور ملاح چيو ته سنڌياڻي تحريڪ سنڌي سماج ۾ خاموش انقلاب آندو آھي. جدوجھد ۾ اھڙو ڪردار ادا ڪيو آھي. اسان لکين سنڌياڻين کي شامل ڪري سنڌو دريا کي بچائي سگھون ٿا. سنڌياڻي تحريڪ ھر سماجي بيمارين خلاف ديوار بڻيل آھي. تعليم جي موضوع تي خوشبوءِ ڪيڙانو ليڪچر ڏيندي چيو ته نصابي تعليم اڌوري آھي. اصل تعليم سياسي تربيت آھي. پنھنجي نياڻين کي سياسي تربيت ۽ تعليم ڏجي ته اھا سموري گھر ڀاتين کان وٺي ڳوٺ ۽ شھر جو ڀرجھلو ٿي پونديون. لطيف جي جدوجھد جا سبق تي ليڪچر ڏيندي سنڌياڻي تحريڪ جي مرڪزي رابطه سيڪريٽري ايڊووڪيٽ ڪائنات ڏاھري چيو ته لطيف جي شاعري مظلومن لاءِ وڏي سگھ آھي. لطيف سموري حياتي جدوجھد جو سبق ڏنو آھي. لطيف سڌڙين تي تنقيد ڪري قرباني جي ڳالھ ڪري ٿو. تربيتي ڪلاس ۾ سجاڳ ٻارڙين ٽيبلو، شاعري ۽ گيت پيش ڪيا.