ملير: ابراهيم حيدري جي گهر مان هڪ ڄڻي جو لاش ۽ 5 ڄڻا بيهوشي حالت ۾ مليا

ملير (رپورٽ: عبدالرشيد مورجھريو) ابراهيم حيدري جي هڪ گهر ۾ رات جو ستل گهر ڀاتين مان هڪ فوت، 5 ڄڻا بيهوش، رات جي ماني کائي ستا ۽ صبح ٿيو ته 5 ڄڻا بيهوش ۽ هڪ فوت ٿيل هو 15 تي پوليس کي اطلاع ڪيو، پاڙيسري، لڳي ٿو کاڌي ۾ ڪجهه ھجڻ ڪري واقعو پيش آيو آھي وڌيڪ پوسٽ مارٽم ۽ ميڊيڪل رپورٽ اچڻ بعد حقيقت سامهون اينديون، پوليس، تفصيل موجب ابراهيم حيدري جي علائقي لاشاري پاڙي جي هڪ گهر ۾ رات جو ستل گهر ڀاتين مان صبح ڌاري هڪ ڄڻو 60 ورهين جو شاهين پٽ عبدالعزيز فوت جڏھن ته فاروق سندس گھر ۽ روبينا سميت 5 ڄڻا بيهوشي واري حالت ۾ مليا، اطلاع تي پوليس واقعي واري هنڌ پهچي مڙھ بيهوشن کي جناح اسپتال منتقل ڪيو ان سلسلي ۾ پاڙيسرين ٻڌايو ته گهر ڀاتي رات جو ماني کائي ستا ته ۽ صبح دير تائين نه جاڳڻ سبب اسان هنن کي جاڳائڻ جي ڪوشش ڪئي دروازو کڙڪايو پر ڪوئي نه اٿيو ته اسان اندر پٿر ھنيا بعد ۾ فاروق گيٽ کولي ٻاهر آيو هن چيو ته اندر ڏسو سڀني کي الائي ڇا ٿيو آھي پاڙي وارا جيئن اندر پهتا ۽ ڏٺو ته شاهين بنگالي فوت ٿي چڪو ھو علائقي واسين پوليس کي 15 تي اطلاع ڪيو، پوليس موجب لڳي ٿو کاڌي ۾ ڪجهه ھجڻ ڪري واقعو پيش آيو آھي وڌيڪ پوسٽ مارٽم ۽ ميڊيڪل رپورٽ اچڻ بعد حقيقت سامهون اينديون،