عمرڪوٽ: ڪرڪيٽ ٽورنامينٽ جو رائونڊ ميچ شھيد بينظير ڀٽو جي شھادت جي نالي سان منسوب

ميچ دوران محترمه شھيد بينظيرڀٽو جي شھادت جي ڪري گرائونڊ ۾ 2 منٽ خاموشي ڪئي وئي

عمرڪوٽ (رپورٽ:ڪانجي مل رکيسر) آل سنڌ اينڊ پاڪستان قائد عوام شھيد ذوالفقار علي ڀٽو ڪرڪيٽ ٽورنامينٽ جو رائونڊ ميچ شھيد بينظير ڀٽو جي شھادت جي نالي سان منسوب ڪيو ويو، اھڙو اظھار رحيمداڻي ڪرڪيٽ اڪيڊمي جي صدر المھراڻ ڪرڪيٽ ڪلب جي سيڪريٽري رسول بخش رحيمداڻي، نامور اسپورٽس مين آرگنائيزر ڊي او تاج محمد خاصخيلي ڪيو ۽ صحافين کي ٻڌايو تہ شھيد محترمه بينظيرڀٽو جي شھادت جي ڏينھن سبب ٽورنامينٽ جو ميچ دختري پاڪستان جي نالي ڪيو آھي، ميچ بلوچ ڪرڪيٽ ڪلب مورو ۽ ڊفينس ڪراچي ڪرڪيٽ ڪلب وچ ۾ کيڏيو ويو، بلوچ ڪرڪيٽ ڪلب مورو پھرئين بيٽنگ ڪندي 25 اوورن ۾ 192 رنسون ٺاھيون جنھن ۾ ظهير علي 76 رنسون، فاتح، نعمان بلاترتيب 32 ۽ 24 رنسون ٺاھي نمايان رھيا، ڊفينس ڪراچي جي طرفان بھترين بالنگ ڪندي فرسٽ ڪلاس بالر عاصم جٽ 4 وڪيٽون ورتيون پاڪستان جي مائناز بالر آف اسپنر عاطف مقبول 3 وڪيٽون ورتيون، ميچ جي دوران محترمه شھيد بينظيرڀٽو جي شھادت جي ڪري گرائونڊ ۾ ٻہ منٽ جي خاموشي ڪئي وئي، جڏھن تہ جواب ۾ بيٽنگ ڪندي ڊفينس ڪراچيءَ ڪرڪيٽ ڪلب ڏنل ٽارگيٽ 7 وڪيٽن جي نقصان تي حاصل ڪري ورتو جنھن ۾ علي بيٽنگ ڪندي 81 رنسون ۽ عبدالله فضل 40 رنسون ٺاھي ميچ کٽڻ ۾ اھم ڪردار ادا ڪيو ڊفينس ڪرڪيٽ ڪلب ڪراچي جي ڪيپٽن پاڪستان قومي ڪرڪيٽ ٽيم جي فاسٽ بالر محمد سميع صحافين سان ڳالھائيندي چيو تہ عمرڪوٽ ۾ کيڏڻ جو مزو پنھنجو آھي، ھتي جي عوام ڪرڪيٽ کي سمجھي ٿي ۽ ڪرڪيٽ جو شوق ھنن جي دلين ۾ وسي ٿو ھن چيو تہ ٽورنامينٽ کي اسپانسر ڪرڻ ۾ خالد سيف اللہ سراج سومرو سان گڏ بھترين اسپورٽس مين ڪرڪيٽر آرگنائيزر تاج محمد ڊي او، آرگنائيزر رحيمداڻي ڪرڪيٽ اڪيڊمي المھراڻ ڪرڪيٽ اڪيڊمي جي سيڪريٽري رسول بخش رحيمداڻي جن ھميشه ڪرڪيٽ کي سپورٽ ڪيو آھي ۽ اسانکي عزت ڏني آھي، جڏھن تہ اڄ ڇنڇر جي ڏينھن 11 بجي ڊفينس ڪرڪيٽ ڪلب ڪراچي ۽ شاھ تاج ڪرڪيٽ ڪلب حيدرآباد جي وچ ۾ ڪواٽر فائينل کيڏيو ويندو، جڏھن تہ ماروي گرائونڊ عمرڪوٽ ۾ ميچ دوران 27 ڊسمبر تي محترمه شھيد بينظير ڀٽو کي ھزارين شائقينن خراج تحسين پيش ڪيو.