ٺٽي ۾ سي آءِ اي پوليس جي گٽڪي جي گودام تي ڇاپو، هڪ ڄڻو گرفتار

ڇاپي دوران گودام مان 1340 پيڪيٽ تمباڪو جا پن، 24 ڪلو گٽڪو هٿ ڪيو ويو

ٺٽو( شفيق ڀٽي) سي آءِ اي پوليس ٺٽو جو گٽڪي جي گودام تي ڇاپو، جوابدار گرفتار، ڪيس داخل، تمباڪ جي پنن جا 1340 پيڪٽ، 24 ڪلو گٽڪي جو سامان ۽ گٽڪي مائي جا 500 پيڪيٽ هٿ، ايس ايس پي ٺٽو ڊاڪٽر محمد عمران خان جي حڪم تي آءِ جي سنڌ غلام نبي ميمڻ ۽ ڊي آءِ جي حيدرآباد رينج طارق رزاق ڌاريجو جي هدايتن تي ٺٽو پوليس منشيات، ڏوهارين، گٽڪو،مين پڙي وڪڻدڙن خلاف ڇاپامارڪاروائي جو سلسلو جاري، ايس ايس پي ٺٽو جي حڪم تي سي آءِ اي ٺٽو جي انسپيڪٽر ممتاز علي بروهي پنهنجي اسٽاف سان گڏ گشت دوران ڳجهي اطلاع تي ٺٽي شهر ۾ خضر حيات مسجد ڀرسان محمود ميمڻ جي گٽڪي جي گودام تي ڪامياب ڇاپو هڻي جوابدار فيروز ولد شريف مگسي کي گرفتار ڪري ورتو. پوليس ڪارروائي دوران گٽڪي جي گودام مان 1340 پيڪيٽ تمباکو جي پنن، 24 ڪلو گٽڪا ۽ 500 گٽڪا مائو هٿ ڪري جوابدارن خلاف گٽڪا ايڪٽ تحت ٿاڻي تي ڪيس داخل ڪري ڇڏيو آهي. پوليس جي ڪامياب ڪارروائي تي سياسي،سماجي،مذهبي جماعتن ۽ شھرين آءِ جي سنڌ غلام نبي ميمڻ ڊي آءِ جي حيدرآباد رينج طارق رزاق ڌاريجو ايس ايس پي ٺٽو ڊاڪٽر محمد عمران خان ۽ سي آءِ اي انچارج ممتاز علي بروهي ۽ سندن پوري ٽيم کي خراج تحسين پيش ڪيو.