نوشهروفيروز ۾ به سنڌو درياهه بچايو تحريڪ جي سڏ تي نون ڪئنالن خلاف احتجاجي مظاهرو

ارسا قانون ۾ ترميم ۽ سنڌوءَ مان ڪئنال ڪڍڻ واري منصوبي کي رد ڪريون ٿا، اڳواڻ

نوشهرو فيروز (ڊر)سنڌو درياءُ بچايو تحريڪ جي مرڪزي سڏ تي ارسا ۾ ترميم، سنڌو درياهه تي 6 ڪينال ٺاهڻ ۽ گرين پاڪستان جي نالي تي سنڌ جي زمين تي والار خلاف نوشهرو فيروز ۾ سنڌو درياءُ بچايو تحريڪ ۾ شامل مختلف پارٽين پاران نوشهرو فيروز ۾ احتجاج ڪيو ويو احتجاج جي اڳواڻي سنڌ يونائيٽيڊ پارٽي اڳواڻ مهر علي وسطڙو، آصف حسيني، شاهد پٽاڻ، فرمان نول، اين پي پي اڳواڻ معشوق ڪورائي، عمران جتوتي، خوشي محمد مغل پي ٽي آئي اڳواڻ طارق ملڪ، ايس ٽي پي اڳواڻ اسد چانڊيو ۽ ٻيا ڪري رهيا هئا ان موقعي تي اڳواڻن چيو ته ارسا قانون ۾ ترميم ڪنهن به صورت ۾ قبول ناهي سنڌو درياهه تي 6 ڪينال نه ٺهڻ گهرجن ڇو ته 6 ڪينال ٺهڻ سان سنڌ جي تقريبن 48 کان 50 لک ايڪڙ غير آباد ٿي ويندا، جنهن سبب سنڌ بيابان ٿي ويندي، ۽ ڪراچي ۾ پيئڻ لاء پاڻي نه ملندو عوام پيئڻ جي پاڻي لاء ترسندو سنڌ جي ڊيلٽا مڪمل طور تباه ٿي ويندي تمر جا ٻيلا ماضي جو قصو بڻجي ويندا سنڌ جي عوام جي روز معاش زراعت آھي جيڪا مڪمل تباه ٿي ويندي سنڌو درياءُ شهه رڳ آھي ان مان ڪئنال ڪڍڻ سان سنڌ جو جياپو مڪمل طور ختم ٿي ويندو هنن چيو ته سمنڊ ۾ پاڻي نه وڃڻ ڪري سمنڊ ابتو وهندو تنهنڪري ٺٽو، بدين، سجاول مڪمل طور سمنڊ ۾ هليا ويندا، هن چيو ته 6 ڪينال ٺاهڻ سان رياست جي ڪجهه مخصوص ڪمپنين کي فائدو پوندو انهن گرين ڪمپني جي نالي تي سنڌ سميت ٻين صوبن مان زمينون ڳڙڪايون آھن پهرئين فيض ۾ انهن کي پنجاب جو ريگستان آباد ڪرڻو آھي ان ڪري اهي سنڌو درياءَ مان ڪئنال ڪڍي راوي ۽ ستلج وسيلي پاڻي تي قبضو ڪري رهيا آھن ان جو فائدو ڪجه رياستي ڪمپنين کي هوندو، پيپلز پارٽي هر دور ۾ سنڌ کي نقصان ڏئي وسيلن جي ڦر لٽ ڪري وسيلا پنجاب حوالي ڪري اقتدار حاصل ڪيو آھي هيئر به پيپلي صدر آصف علي زرداري سنڌو درياءَ مان ڪئنال ڪڍڻ جي منظوري ڏني آھي وري سندس ساٿاري قيادت سنڌ ۾ منافقت سان بيان ڏئي رهي آھي سنڌ اسيمبلي ۾ ويٺل ميمبر ۽ مراد شاه سنڌ جو سڄڻ آھي ته صدر پاڪستان آصف علي زرداري خلاف قرارداد منظور ڪرائن هنن وڌيڪ چيو ته جيڪڏهن ارسا قانون ۾ ترميم ۽ 6 نوان ڪينال ٺاهڻ جو منصوبو واپس نه ورتو ويو ته ملڪ گير احتجاج ڪنداسين.