سڪرنڊ ۾ جسقم جو ڌرڻو، سنڌو درياءَ درياءَ جي پاڻي تي قبضي کي رد ڪريون ٿا: صنعان قريشي

سنڌي ماڻهن جي پرامن احتجاج کي موٽ نه ڏني وئي ته هو ٻيو رستو اختيار ڪندا ۽ کين ڪير به روڪي نه سگهندو: چتاءُ

سڪرنڊ (رپورٽر) سنڌو درياء تي 6 نوان تڪراري ڪئنال اڏڻ واري منصوبي خلاف جسقم پاران پارٽي چيئرمين صنعان خان قريشي جي اڳواڻي ۾ سڪرنڊ قومي شاھراھ سيال ھوٽل وٽ ھزارين ڪارڪنن سان گڏ ڌرڻو ھنيو ويو ڌرڻي سبب 6 ڪلاڪ ڪراچي کان پنجاپ ڏانھن ويندڙ ٽريفڪ مڪمل طور بند رھي ۽ ملڪ جي مُک شاھراھ بلاڪ رھيو گاڏين جون ڊگھيون قطارون لڳي ويون ڌرڻي ۾ عورت ڪارڪنن پڻ شرڪت ڪئي ڌرڻي دوران ڪارڪنن پاڻي خاطر جهيڙو آء جا زوردار نعرا ھڻندا رھيا ڌرڻي واري هنڌ پوليس ۽ جسقم ڪارڪنن وچ ۾ ٽريفڪ کي ڌرڻي واري هنڌ وٽان لنڪ روڊ ذريعي موڪلڻ تان ڇڪتاڻ پڻ ٿي ۽ منهن ماري بعد ڪارڪنن رڪاوٽون وجھي روڊ کي ٽريفڪ لاء بند ڪيو ويو ڌرڻي کي خطاب ڪندي جسقم چيئرمين صنعان خان قريشي چيو ته سنڌ ڪئنالن کي رد ڪري ٿي سنڌو درياءُ مٿان ڪنهن به قبضي کي رد ڪريون ٿا اڄ سنڌي قوم ٻڌي جو ثبوت ڏئي احتجاج ۾ ڀرپور نموني شرڪت ڪري ڪئنال ٺاھڻ واري منصوبي کي رد ڪيو آھي سنڌو درياءُ مٿان ڪو به ڊيم توڙي ڪئنال قبول ناهي سنڌي ماڻھن کي ڪاوڙ ۽ غصو آھي جو ماڻھو روڊن تي نڪري احتجاج ڪن ٿا ۽ پرامن آواز اٿارن ٿا جيڪڏھن سنڌي قوم جي پرامن آواز کي نه ٻڌو ويو ته پوء پوري سنڌي قوم ٻيو رستو به اختيار ڪري سگھي ٿي ھن وڌيڪ چيو ته ھوئين سنڌي قوم جا حق وسيلا سڀئي کسجي چڪا آھن پر آخري وسيلو سنڌو درياءُ جو پاڻي آھي اهو به کسجي ويو ته سنڌ جي صورتحال انتھائي ڀيانڪ هوندي هن چيو ته قومي ڪارڪنن سنڌي ماڻھن کي پيغام ڏيان ٿو ته پھرين ڊسمبر ثقافتي ڏينهن کي ڀرپور نموني سان ملھائن هن چيو ته بشير خان قريشي ثقافتي ڏينهنن کي اوجاگر ڪندو هو پنھنجي شھرن ڳوٺن ۾ قومي ڪارڪن ريليون ڪڍندا هئا هاڻ سڄي سنڌ جي ماڻھن ۽ قومي ڪارڪنن کي پابند ڪريان ٿو ته سڄي سنڌ ۾ پنھنجي ثقافت کي اوجاگر ڪن ۽ سنڌو درياءُ کي ضرور ياد ڪن ان موقعي تي امجد مھيسر ,اشرف ڪلهوڙو ,ديدار شام ,عطھر سومرو آصف رضا مگسي ۽ ٻين پڻ ڌرڻي ۾ شرڪت ڪئي