عوام جي ڀلائي لاءِ ڪروڙين رپين جا منصوبا مڪمل ڪيا پيا وڃن: همير سنگهه سوڍو

عمرڪوٽ: همير سنگهه سوڍو طرفان جٽيا پاڙي ۾ پيور بلاڪ لڳائڻ واري منصوبي جو افتتاح

عمرڪوٽ(رپورٽ:ڪانجي مل رکيسر) پ پ ايم پي اي راڻا همير سنگهه سوڍو طرفان شھر جي جٽيا پاڙو ۾ پيور بلاڪ لڳائڻ واري منصوبي جو افتتاح ڪيو ويو ان موقعي تي جٽيا برادري پاران شاندار افتتاحي تقريب پڻ ڪوٺائي ويئي جنھن ۾ مھمان خاص راڻا همير سنگهه سوڍو منصوبي جو افتتاح ڪندي ترقياتي ڪمن کي سنڌ حڪومت ۽ پارٽي چيئرمين بلاول ڀٽو زرداري جي ويزن جو عڪاس قرار ڏنو هن چيو ته عوام جي ڀلائي لاءِ ڪروڙين رپين جا منصوبا مڪمل ڪيا پيا وڃن، جيڪي پاڪستان پيپلز پارٽي جي مٿس ڪيل اعتماد جو نتيجو آهن تقريب ۾ شھر جي مختلف برادرين جي معززين سيد ڪاشف شاهه، مهاراج چيتن جوشي، فقير علي نواز رند، ايم سي ميمبر رميش ڪمار رتناڻي، انجنيئر گل حسن رند، پير احمد شاهه جيلاني، اتم سنگراسي، راڻا همير سنگهه سوڍو جي پرسنل سيڪريٽري ڪنول موهن لال، پامسٽ ڀڳوانداس جٽيا، بابو لال، ڊاڪٽر رامچند، گوپالداس، ڪمريڊ يوسف نهڙي، وڪيل ڀورا لال ڀيل، انجنيئر ڪنهيا موهن لال، ڪانجي مل رکيسر سميت ٻين وڏي انگ ۾ شرڪت ڪئي