حيدرآباد جي بوائز بچل سومرو پرائمري ۾ غريب اسڪولي ٻارڙن ۾ ڪپڙا، بوٽ ۽ ڪاپيون ورهايون ويون

انسان دوست ساٿين جي سهڪار سان سامان ورهايو ويو آهي: انجنيئر منظور احمد ميمڻ

حيدرآباد (بيورو) حيدرآباد ۾ غريب اسڪولي ٻارڙن ۾ ڪپڙا، بوٽ ۽ ڪاپيون ورهايون ويون، انسان دوست انجنيئر منظور احمد ميمڻ، انجنيئر انور نارائي، استاد حسين بخش ڏهاڻي, محمد عمر سيهڙو ۽ قيوم سروهي حيدرآباد بائي پاس وٽ قائم گورنمينٽ بوائز بچل سومرو پرائمري اسڪول جي 38 غريب، يتيم شاگردن ۽ شاگردياڻين ۾ بوٽ، ڪپڙا، ڪاپيون ۽ پينسلون ورهايون ويون، ان سلسلي ۾ انجنيئر منظور احمد ميمڻ ۽ انجنيئر انور نارائي ٻڌايو ته غريب شاگردن ۾ انسان دوست ساٿين جي سهڪار سان پنهنجي مدد پاڻ تحت هي سامان ورهايو ويو آهي، جيئن مسڪين ٻار تعليم جاري رکي سگهن، هنن چيو ته انسانيت جي خدمت جو هي سلسلو مستقبل ۾ به جاري رهندو، جيترن غريب ماڻهن تائين پهچي سگهياسين انهن جي مدد ڪئي ويندي.