گڏاپ ويجهو عبدالحليم ڳوٺ تي چڙهائي، 6 ڄڻا گرفتار، ڳوٺاڻن ۽ جي يو آءِ جو سپرهاءِ وي تي ڌرڻو

محمد حيات، ميانداد شر، سيد سليم الله سميت 6 ڄڻا گرفتار

ملير (رپورٽ: عبدالرشيد مورجھريو) گڏاپ۾عبدالحليم ڳوٺ تي روينيو ۽ پوليس جي چڙهائي, 6 ڄڻا گرفتار، ڳوٺاڻن ۽ جميعت علماء اسلام پاران سپر هاءِ وي تي احتجاجي مظاهرو ۽ ڌرڻو، روينيو ڪاموري خلاف نعريبازي، ڳوٺ تي ڪاھ ڪري ناجائزي ڪئي وئي آهي گرفتار ڳوٺاڻن جي آزادي لاءِ ڳري رشوت طلب ڪئي پئي وڃي اڳواڻ، تفصيل موجب ملير جي گڏاپ واري علائقي عبدالحليم ڳوٺ تي گذريل ڏينهن روينيو ۽ پوليس چڙهائي ڪري محمد حيات، ميانداد شر، سيد سليم الله خان، محمد رياض مولانا محمد عمر ڀانڀڻ، قاري عبدالحڪيم ٻانڀڻ سميت 6 ڄڻن کي گرفتار ڪري ورتو جنهن خلاف ڳوٺاڻن ۽ جميعت علماء اسلام پاران سپر هاءِ وي تي احتجاجي مظاهرو ڪري ڌرڻو هنيو جنهن جي اڳواڻي جمعيت علماء اسلام ملير جي اڳواڻ مولانا قمرالدين لنڊ، حافظ حمد الله حقاني، محمد عالم لنڊ، نديم چاچڙ ۽ ٻيا ڪري رهيا هئا مظاهرو ڪندڙ دهشت گردي بند، ظلم بند ڪريو جا روينيو ڪاموري خلاف نعرا هڻي رهيا هئا ان موقعي تي اڳواڻڻ چيو ته روينيو ۽ پوليس بيگناھ ڳوٺ تي ڪاھ ڪري ناجائزي ڪئي وئي آهي ۽ 6 ڄڻن کي گرفتار ڪري 15 لک رپيا رشوت طلب ڪئي آهي رشوت نه ڏيڻ تي ڳوٺ کي ڊاهڻ ۽ ڪوڙا ڪيس داخل ڪرڻ جون ڌمڪيون ڏنيون آهن هنن چيو ته روينيو کاتي جي ڪاموري تپيدار سرفراز ڪٽپر جيئن جنجال ڪري ڇڏيو آهي بيگناھ 6 ماڻهن کي گرفتار ڪيو ويو آهي هنن ڊپٽي ڪمشنر ملير کان مطالبو ڪيو ته اڻڌري جاچ ڪري انصاف ڪيو وڃي ٻي صورت ۾ موٽر وي تي هزارين ڳوٺاڻن پاران ڌرڻو هنيو ويندو