قبو سعيد خان ۾ آءِ بي اي ٽيسٽ پاس اميدوارن جو آفر آرڊر جاري نه ٿيڻ خلاف احتجاج

اميدوارن پريس ڪلب کان مين بس اسٽينڊ چونڪ تائين ريلي ڪڍي

قبو سعيد خان : قبوسعيدخان ۾ IBA 2021 ٽيسٽ پاس ڪندڙ اميدوارن پاران هڪ دفعو وري اڄ ٻيھر 3 سالن کان نا انصافي خلاف استادن آفر آرڊرز جاري نه ٿيڻ تي عامر کوسو عبدالحميد بروهي زرق خان کوسو محمد عرس بروهي جي اڳواڻي ۾ پريس ڪلب کان ريلي ڪڍي مين بس اسٽينڊ چونڪ تي مطالبن جي مڃتا لاء احتجاجي مظاهرو ڪري سخت نعربازي ڪئي ۔

ان موقعي تي اڳواڻن عامر کوسو محمد عرس بروهي ، زرق کوسو گل احمد بروھي ۽ ٻين ميڊيا اڳيان پريس ڪانفرنس ڪري ڳالهائيندي چيو ته اسان سان وڏي ناانصافي آھي IBA طرفان2021 ۾ ماستري لاء ورتل ٽيسٽ ۾ من پسند هارڊ ايريا وارو پاليسي ٺاهي پنهنجي من پسندن اميدوارن کي آفر آرڊر ڏنا ويا آهن جڏهن ته سموري سنڌ ۾ ٻٽي پالسي جوڙي اسان کي نظر انداز ڪيو ويو آهي.

ھنن وڌيڪ چيو ته اسان کي سافٽ ايريا تحت برابري جي بنياد تي ھڪ سنڌ ھڪ پاليسي تحت 33 کان 39 مارڪن تي پاس ڪري جلد آفر آرڊرز ڏنا وڃن ھنن پ پ چيئرمين بلاول ڀٽو زرداري صدر پاڪستان آصف علي زرداري ' وزير اعلئ سنڌ ,تعليم جي وزير سائين سرادر شاهه ۽ تڪ جي ايم اين اي خورشيد احمد جوڻيجو 'ايم پي اي نادر علي مگسي کان مطالبو ڪيو آهي ته سموري سنڌ ۾ هڪ پالسي جوڙي برابري جي بنياد تي سڀني 33 کان 39پاس اميدوارن کي آفر آرڊر ڏئي بيچيني ختم ڪئي وڃي۔ نه ته ٻئي صورت ۾ احتجاج جو دائرو وڌايو ويندو۔