قومي عوامي تحريڪ پاران ڳيريلو ۽ ڳڙهي خيرو ۾ ۾ نوان ڪئنال منصوبي خلاف ريلي

سنڌو درياھ سنڌ جو ساھ آھي، سنڌو درياھ ھزارين سالن جي تھذيب جو اھڃاڻ آھي: اڳواڻ

ڳڙهي خيرو /ڳيريلو (رپورٽرز) قومي عوامي تحريڪ پاران ڳيريلو ۾ سنڌو درياھ مٿان 6 نوان ڪئنال ڪڍڻ خلاف قومي عوامي تحريڪ جي اڳواڻن جميل احمد لاڙ، سهيل احمد ابڙو، ياسين سنڌي ،نادر بليدي ﷲ رکيو سولنگي جي اڳواڻي ۾ ڳيريلو بس اسٽاپ کان پريس ڪلب تائين ريلي ڪڍي وئي ڳڙھي خيرو ۾ قومي عوامي تحريڪ جي اڳواڻن جاويد سنڌي نياز علي عمراڻي ماما زاھد حسين عاشق جمالي اصغر جمالي خالد عمراڻي معشوق جمالي شھبان جمالي جي اڳواڻي ۾ احتجاجي مظاهرو ڪيو ويو. ان موقعي تي اڳواڻن خطاب ڪندي اڳواڻن چيو تہ سنڌو درياھ سنڌ جو ساھ آھي، سنڌو درياھ ھزارين سالن جي تھذيب جو اھڃاڻ آھي. سنڌو درياھ سنڌ جي زندگي آھي. حڪمرانن کي سمجھڻ گھرجي تہ انڊس رور سسٽم ۾ ملڪ جي ضرورت جيترو پاڻي ناھي، جنھنڪري ڪو بہ ڪئنال ۽ ڊيم ملڪ ۽ سنڌ جي مفاد ۾ ناھي. سنڌ کي پنھنجي حصي جو پاڻي نٿو ڏنو وڃي، جيڪڏھن ڊيم ٺھي ويا تہ سنڌ تباھ ٿي ويندي. سنڌ جي زرعي معيشت تباھ ٿي ويندي. سنڌ جي ماڻھن کي غسل ڏيڻ جيترو بہ پاڻي نہ ملندو. اڳواڻن چيو تہ پيپلزپارٽي پارٽي اقتدار ۽ پئسي جي بک ۾ سنڌ جي تھذيب،تاريخ ۽ سنڌو درياءَ تي حملا نہ ڪري. سنڌو درياھ سان سنڌ آھي،7 ڪروڙ انسانن جي زندگي آھي، ملڪ جي بقا آھي، سنڌ خلاف ڪنھن بہ قسم جي سازش دراصل ملڪ خلاف سازش آھي، انڪري سنڌو درياھ کي ختم ڪرڻ، قتل ڪرڻ لاء ڪو بہ ڪئنال ۽ ڪو بہ ڊيم يا ٻيو منصوبو قبول نہ ڪيو ويندي. ان جي پرامن جدوجھد ذريعي لکين عوام سان گڏجي مزاحمت ڪئي ويندي.