مورو ويجهو ٻن ڏينهن واري مفت ميڊيڪل ۽ اکين جي ڪئمپ لڳائي وئي

ڪيمپ سماجي شخصيت خالد حسين ٻگھيو پاران سيلاني ويلفيئر ٽرسٽ جي تعاون سان لڳائي وئي

مورو (رپورٽر) مورو ويجھو چوٿين ميل وٽ معزز سماجي شخصيت خالد حسين ٻگھيو پاران سيلاني ويلفيئر ٽرسٽ جي تعاون سان ٻه روزه مفت ميڊيڪل ۽ اکين جي ڪئمپ لڳائي وئي جنهن ۾ اکين جي ماھر ڊاڪٽر وسيم رحمان ۽ مختلف بيمارين جي ماھرن ڊاڪٽرن ڊاڪٽر فرقان، ڊاڪٽر غلام مصطفي' ميمڻ ۽ ٻين پاران پسگردائيءَ جي ڳوٺن وسندي واھڻ جي رھواسين مردن عورتن معصوم ٻارڙن تقريبن 2000 ھزار کان مٿي مريضن جو چيڪ اپ ڪيو ۽ مفت ۾ دوائون ڏنيون ويون. ان موقعي تي معزز سماجي شخصيت خالد حسين ٻگھيو چيو تہ اسان بنا ڪنھن ذات پات رنگ ۽ نسل صرف الله پاڪ جي خاطر مفت ميڊيڪل ڪيمپ لڳائي بي پهچ ماڻھن کي صحت جون سهولتون ڏيارڻ جي ڪوشش ڪئي آھي. ھن ڪئمپ ۾ ھن علائقي جي ھزارين ماڻھن فائدو حاصل ڪيو آھي جن کي ھر سھولت سان گڏ علاج ۽ دوائون ڏنيون ويون آھن ۽ اھا ڪوشش جاري رھندي ھن چيو تہ ھن علائقي جي عوام لاءِ مون سيلاني ويلفيئر ٽرسٽ وارن کي زمين پڻ ڏني آھي جيڪي ھتي نياڻين ۽ نوجوانن لاءِ الڳ الڳ ديني تعليم ڏيڻ لاءِ درسگاھ ٺاھيندا ۽ ننگر خانو پڻ قائم ڪيو ويندو جتي ھر غريب مسڪين پورھيت مزدور طبقي سان واسطو رکندڙن کي مفت ۾ کاڌو ڏنو ويندو. ھن چيو ته هن علائقي ۾ گذريل برساتن جي ڪري پيٽ جون بيماريون، چمڙي جون بيماريون، اکين جي تڪليف ۽ هاءِ بلڊ پريشر جهڙيون بيماريون عام ٿينديون ٿيون وڃن جنھن کي منھن ڏيڻ لاء ڪئمپ لڳائي ته جيئن غريب ماڻھن کي رليف ملي سگھي.......