ڪراچي ۾ ذوالفقار هاليپوٽو پاران سينيئر صحافي ذوالفقار راڄپر جي مان ۾ آجياڻو

ڪرشن شرما، يونس مهر، اسحاق سومرو، جاويد مهر، وحيد راڄپر، صحبت ٻرڙو، قاضي اعجاز شريڪ ٿيا

ڪراچي (رپورٽر) سنڌ جي سول سوسائٽي جي اڳواڻ، ليکڪ ۽ ڪالم نويس ذوالفقار هاليپوٽو پاران سينئر ۽ جاکوڙي صحافي، ليکڪ ۽ ڪالم نگار ذوالفقار راڄپر جي مان ۾ڪلفٽن ۾پنهنجي رهائش گاهه تي مانجھاندي جو اھتمام ڪيو ويو، جنهن ۾سينئر صحافين ۽ ليکڪن ڪرشن شرما، صحبت ٻرڙو، يونس مهر، اسحاق سومرو، جاويد مهر، وحيد راڄپر، قاضي اعجاز، ذوالفقار نوناري ۽ ٻين شرڪت ڪئي. ان موقعي تي ذوالفقار هاليپوٽو ڳالهائيندي چيو ته ذوالفقار راڄپر جي طبعيت خراب رهي ٿي، هن جون صحافت، سياست ۽ سماجي ڪمن ۾ اهم ڪردار رهيو آهي، ھن جون نھ رڳو صحافتي شعبي ۾ اڻ ڳڻيون خدمتون آھن، پر ملڪ ۾ جمهوريت جي بحالي ۽ پريس جي آزاديءَ واري تحريڪ ۾ سرگرم رھندي پوليس تشدد ٿيو، ۽ زندگي جو ڪچ عرصو ٿاڻن ۽ جيلن ۾گذاريو آهي. هن چيو ته ذوالفقار راڄپر جھڙن جاکوڙي ڪردارن کي سندن ئي زندگين ۾مڃتا ڏيڻ گھرجي نھ ڪي ڪنهن تعزيتي اجلاس جو انتظار ڪرڻ گھرجي. مانجهاندي ۾ميزبان ذوالفققار ھاليپوٽو سميت ٻين شريڪ دوستن ذوالفقار راڄپر کي لونگي ۽ اجرڪ اوڍائي گلن جو دستو پيش ڪيو.آخر ۾ ذوالفقار راڄپر ميزبان دوست ذوالفقار هاليپوٽي سميت مانجهاندي ۾ شريڪ ٿيل سمورن دوستن جو ٿورو ادا ڪيو.