سرحد ڀرسان اغوا ٿيل پورھيت عبدالستار گھنڃو بازياب

views | 19th Mar 2024 • سنڌي خبرون

سرحد ڀرسان اغوا ٿيل پورھيت عبدالستار گھنڃو بازياب

سرحد(رپورٽر) سرحد ڀرسان 25 ڏينهن اڳ اغوا ٿيل پورهيت ڀُنگ ڀري آزاد وارثن ۾ خوشي جي لهر ڇائنجي وئي، خبرموجب سرحد ڀرسان ڳوٺ تاجُو گهنڃو واسي ڪاٺين جو پورهيو ڪندڙ پورهيت عبدالستار گهنڃو بازياب ٿي گهر پهچي ويو آھي ان سلسلي ۾ ذريعن وٽان مليل ڄاڻ موجب پورهيت عبدالستار گهنڃو جي بازيابي لاء وارثن پاران پوليس جي اعلى اختيارين کان مدد طلب ڪئي وئي هئي مگر پوليس پاران مغوي جي بازيابي لاء ڪو خاطرخواهه قدم نه کڻڻ تي وارثن مايوس ٿي نوجوان جي بازيابي لاء راڄوڻي ڪوششون شروع ڪيون جنهن دوران راڄوڻي ذريعي ڌاڙيل کي ڀُنگ جي رقم پهچائڻ بعد مغوي عبدالستار گهنڃو جي بازيابي عمل ۾ آئي آھي، پورهيت عبدالستار گهنڃو جي بازيابي بعد وارثن ۾ خوشي جي لهر ڇائنجي وئي آھي، ياد رهي ته پورهيت عبدالستار گهنڃو کي 25 ڏينهن اڳ ڪاٺين جي واپار لاء قادرپور واري علائقي ڏانهن گهرائي کيس اغوا ڪيو ويو هو