چونڊڪو: ڳوٺ ملهار فقير ڀنڀرو ۾ گهر تي حملو، پسند جي شادي ڪندڙ نوجوان قتل

161 views | 21st Feb 2024 • سنڌي خبرون

چونڊڪو: ڳوٺ ملهار فقير ڀنڀرو ۾ گهر تي حملو، پسند جي شادي ڪندڙ نوجوان قتل

چونڊڪو: سوراه ٿاڻي جي حد چونڊڪو ڀرسان ڳوٺ ملهار فقير ڀنڀرو ۾ 2 سال اڳ پيار جو پرڻو ڪندڙ 30 سالا علڻ پٽ عطا محمد شنباڻي هٿياربندن گھر اندر ننڊ ستل کي گوليون قتل ڪري ڇڏيو مقتول جي ڀاء عبدالحق شنباڻي ٻڌايو ته علڻ شنباڻي ٻه سال اڳ پنھنجي برادري جي عورت سان پيار جو پرڻو ڪيو ھو جنھن بعد سندس گھر واري به زبدرستي واپس ڪرائي وئي ان بعد جوابدار اسان کي ڳوٺ مان نيڪالي ڏئي زمين تي قبضا ڪري ويھي رھيا جنھن کان پوء اسان ڪنھن ٻئي ھنڌ زندگي گذاريندا ھياسين. مقتول جي ڀاء وڌيڪ ٻڌايو ته عبدالحق شنباڻي ٻڌايو ته جوابدارن حبدار شنباڻي ـ نواز شنباڻي ۽ ٻين گھر اندر ھٿيارن جي زور تي داخل ٿي منھنجي ننڊ ستل ڀاء علڻ شنباڻي کي گوليون ھڻي قتل ڪري ڇڏيو آھي خدارا انصاف ڪيو وڃي پوليس واقعي واري ھنڌ نه پهتي مقتول جي وارثن لاش کڻائي چونڊڪو اسپتال پهچايو. لاش پوسٽ مارٽم بعد وارثن حوالي ڪيو ويو.