ٺٽي ۾ جماعت اسلامي جي اميدوار عبداللھ آدم گندرو پاران چونڊ سرگرميون جاري

ٺٽي ۾ جماعت اسلامي جي اميدوار عبداللھ آدم گندرو پاران چونڊ سرگرميون جاري

ٺٽو( ڊر) جماعت اسلامي پاران پي ايس 75 ٺٽو تي نامزد ٿيل جماعت اسلامي جي اميدوار عبدالله آدم گندرو پاران ٺٽو ۽ مڪلي جي مختلف ڳوٺن ڳوٺ ادم جاکرو ۽ بين ڳوٺن ۾ پھچي پنھنجي حمايت حاصل ڪئي، جتي ڳوٺاڻن پاران سندس مانائتو استقبال ڪري کيس اجرڪن ۽ گلاب جي گلن جا تحفا پيش ڪري کيس مڪمل حمايت جي يقين دھاني ڪرائي، ان موقعي تي منعقد ڪيل ڪارنر گڏجاڻي کي خطاب ڪندي جماعت اسلامي جي نامزد ڪيل پي ايس 75 ٺٽو جي اميدوار عبدالله ادم گندرو چيو تہ اڳ وارن حڪمرانن عوام سان رڳو ڪوڙا واعدا ڪري کين ڪجھ بہ ناھي ڏنو ۽ نہ ئي ڪي ترقياتي ڪم ڪرايا آھن، جنھن ڪري عوام سمورين بنيادي سھوليتن کان محروم بڻيل آھي، ھن چيو تہ ھن واري عوام جماعت اسلامي جي اميدوارن جو ساٿ ڏيئي کين 8 فيبروري تي ڪامياب ڪري، اسان واعدو ٿا ڪريون تہ ڪامياب ٿي عوام جا سمورا مسئلا بنا فرق جي حل ڪري کين سموريون بنيادي سھولتون مھيا ڪري سندن کسيل حق بہ کين ڏيارينداسين. ان موقعي تي ادريس سمون، ثمير ميمڻ، شير خان سمون، علي شير ۽ بيا پڻ عبدالله آدم گندرو سان گڏ ھئا.