ٺٽو: ايپڪا يونٽ سول اسپتال مڪلي/ٺٽو جي نئين باڊي چونڊي وئي

ٺٽو: ايپڪا يونٽ سول اسپتال مڪلي/ٺٽو جي نئين باڊي چونڊي وئي

ٺٽو( محمد شفيق ڀٽي)آل پاڪستان ڪلرڪ ايسوسيئشن ايپڪا يونٽ سول اسپتال مڪلي/ٺٽو جو اھم اجلاس سول اسپتال مڪلي ۾ ٿي گذريو، جنھن ۾ يڪراء طور ايپڪا يونٽ سول اسپتال مڪلي/ٺٽو جي نئين باڊي جوڙي ويئي، جنھن جو صدر حاجي محمد اسد خشڪ، جنرل سيڪريٽري حاجي ابراھيم سميجو، نائب صدر محمد اسلم بروھي، ڊپٽي جنرل سيڪريٽري نبيل بلوچ، پريس سيڪريٽري ربڏنو ڇٽو، فنانس سيڪريٽري عابد حسين قريشي، انفارميشن سيڪريٽري فداحسين سومرو ۽ افيس سيڪريٽري فھد حسين کي چونڊيو ويو. ان موقعي تي چونڊيل نون عھديدارن حاجي اسد خشڪ، حاجي ابراھيم سميجو ۽ ٻين پاران پاپوليشن کاتي سجاول جي ملازم آپڪا اڳواڻن مھتاب حسين قريشي ۽ طالب حسين انڙ کي سجاول مان جبري بدليون ڪري کين بدين موڪلڻ واري عمل جي سخت لفظن ۾ مذمت ڪندي چيو آھي تہ اسان ملازمن خلاف ڪابہ انتقامي ڪاروائي برداشت نہ ڪنداسين. ھنن گھر ڪئي تہ فورن مھتاب حسين قريشي ۽ طالب حسين انڙ جون بدليون روڪي کين واپس سجاول ۾ رکي ڪلرڪ برادري ۾ ڦھليل بيچيني دور ڪئي وڃي، ھنن چيو تہ مرف انتظاميہ جي نگراني ۾ ھلندڙ سول اسپتال مڪلي سميت سمورين سرڪاري اسپتالن ۾ دوائن، عملي، ڊاڪٽرن جي کوٽ برقرار اھي، ھنن چيو تہ صحت کاتي جي ملازمن پاران شروع ڪيل جدوجھد بعد مرف انتظاميہ بوکلائپ جو شڪار بڻجي ملازمن کي بلاجواز حراسان پئي ڪري جنھن عمل جي اسان سخت لفظن ۾ مذمت ڪندي گھر ٿا ڪريون تہ فورن غيرقانوني ٿاڦيل مرف انتّظاميہ کان سرڪاري اسپتالن جا انتظام واپس وٺي سرڪاري اسپتالن کي سرڪاري نگراني ۾ ھلائي ٿيل ڪرپشن جي جانچ ڪرائي ملوثن خلاف ڪاروائي ڪئي وڃي.