نوشهروفيروز ۾ ڀاڻ جي کوٽ خلاف ڊاڪٽر نياز ڪالاڻي ۽ ٻين جي اڳواڻي ۾ ڌرڻو

نوشهروفيروز ۾ ڀاڻ جي کوٽ خلاف ڊاڪٽر نياز ڪالاڻي ۽ ٻين جي اڳواڻي ۾ ڌرڻو

نوشهروفيروز(ڊ ر) سنڌ ۾ زرعي ڀاڻ جي کوٽ خلاف جسقم پاران ڌرڻو ھنيو ويو. ڊي سي آفيس نوشهروفيروز جي گيٽ آڏو لڳل ڌرڻي ۾ ڪارڪنن جي وڏي انگ شرڪت ڪئي. ان موقعي تي جسقم جي مرڪزي اڳواڻ ڊاڪٽر نياز ڪالاڻي، پنھل ساريو، اياز راڄپر، فريد لاشاري ۽ ٻين چيو ته سنڌ ۾ ڀاڻ جي ھٿرادو کوٽ پئدا ڪري زراعت کي تباھ ڪيو پيو وڃي ۽ آبادگارن کي معاشي طور ڪچليو پيو وڃي. ھنن چيو ته ضلع انتظاميه ڀاڻ ڊيلرن سان ملوث آھي. جنھن ڪري انھن خلاف ڪابه ڪارروائي ڪرڻ لاءِ تيار ناھي. ھنن چيو ته ضلع نوشهروفيروز ۾ 9 لک ايڪڙن تي ڪڻڪ جي پوکي ٿي آھي جنھن لاءِ 6 لک ٻورين کان وڌيڪ ڀاڻ گھربل آھي پر ڀاڻ جي ھٿرادو کوٽ پئدا ڪري آبادگارن ۽ ھارين کي پريشان ڪيو پيو وڃي. ھنن چيو ته گذريل سال وڏي برسات زراعت کي تباھ ڪيو ۽ ھن سال ھٿرادو ڀاڻ جي کوٽ زراعت کي تباھ ڪري رھي آھي پر سنڌ حڪومت خاموش تماشائي بڻيل آھي. ھنن چيو ته زرعي ڀاڻ جي ھٿرادو کوٽ ختم ڪري آبادگارن کي گھربل ڀاڻ مھيا ڪيو وڃي.