ڪراچي جي فقير ڳوٺ مان 4 ڏينھن کان گم مورو واسي نوجوان جو سڙيل حالت ۾ لاش ھٿ

106 views | 20th Dec 2023 • سنڌي خبرون

ڪراچي جي فقير ڳوٺ مان 4 ڏينھن کان گم مورو واسي نوجوان جو سڙيل حالت ۾ لاش ھٿ

گڏاپ (محمد علي خاصخيلي)ڪراچي جي فقيرا ڳوٺ مان گذريل چئن ڏينهن کان گم ٿيل نوجوان ساجد عالماڻي جو تشدد کانپوءِ سڙيل لاش پوليس ھٿ ڪري ورتو. پوسٽ مارٽم لاءِ اسپتال منتقل ڪيو ويو جتان پوسٽ مارٽم کانپوءِ لاش وارثن حوالي ڪيو ويو. نوجوان جو لاش اباڻي ڳوٺ مورو روانو ڪيو ويو. تفصيل موجب ڪراچي جي سائيٽ سپر ھاء وي ٿاڻي جي حد فقيرا ڳوٺ مان چار ڏينهن اڳ گم ٿي ويل نوجوان ساجد عالماڻي جو تشدد ڪري سڙيل لاش پوليس ھٿ ڪري ورتو. پوليس پاران وارثن کي اطلاع ڏنو ويو. جتي نوجوان جا وارث پھچي ويا جن لاش جي سڃاڻپ ساجد عالماڻي جي نالي سان ڪئي. ان موقعي تي وارثن ٻڌايو ته پوليس فون تي اطلاع ڏنو ته لاش مليو آهي سڃاڻپ ڪريو. اسين جيئن ئي ڇيپا سرد خاني پھتاسين ته لاش اسان جي نوجوان ساجد عالماڻي جو ھيو. ظالمن اسان سان ظلم ڪيو آهي. اسان جي ڪنهن سان به ڪا دشمني ناهي 4 ڏينهن اڳ ساجد پنھنجي گهران نڪري ويو هيو رات جو دير تائين واپس نه اچڻ تي سندس فون نمبر به بند مليو. گمشدگي جو اطلاع پوليس کي ڏنوسين پر ڪنهن به مدد ڪون ڪئي. اعلي ادارن، وزيراعلي سنڌ، آئي جي سنڌ، ڊي جي رينجرز کان مطالبو ٿا ڪريون ته قاتلن کي وائکو ڪري ملوث جوابدارن خلاف قانوني ڪارروائي ڪري اسان سان انصاف ڪيو وڃي