نوشھروفيروز ۾ ڳوٺاڻن ۽ سياسي سماجي ڌرين جو پوليس ۽ سيپڪو عملدارن خلاف احتجاج

views | 14th Dec 2023 • سنڌي خبرون

نوشھروفيروز ۾ ڳوٺاڻن ۽ سياسي سماجي ڌرين جو پوليس ۽ سيپڪو عملدارن خلاف احتجاج

نوشهروفيروز(ڊ ر) سيپڪو نوشھرو فيروز انجنيئر تاج محمد ماڪا ۽ ايس ڊي او سميع گجر پاران ڪيل ناجائزين ۽ پوليس خلاف ڳوٺاڻن سان گڏ مختلف سياسي سماجي جو احتجاجي مظاهرو، احتجاج جي اڳواڻي سنڌ صحافي اتحاد جو اڳواڻ محمد يونس راڄپر، قومي عوامي تحريڪ جو اڳواڻ ارشاد عباسي، ماجد تڳر، مقتول جو پٽ غلام مصطفيٰ راڄپر ۽ ٻيا ڪري رهيا هيا ان موقعي تي اڳواڻ چيو ته ڳوٺ جمن راڄپر مٿان 11 هزار تارون هيو جيڪي ڪمزور ٿي ڪري زمين تي هيٺ ڪري پيون اسان سيپڪو نوشهرو فيروز جي انجنيئر تاج محمد ماڪا سميت لاڳايل آفيسرن کي شڪايتون ڪيون پر هنن تارون زمين کان مٿي ڪرڻ بجاءِ انهن ۾ بجلي چالو ڪري ڇڏي. 28 ڏينهن اڳ ڳوٺ جمن راجپر لڳ گلاب راجپر جيڪو زمين تي ڪم ڪرڻ سان گڏ مال چاري رهيو هو جيڪو ان تارن ۾ وچڙي فوت ٿي ويو اسان اهڙي رپورٽ نوشهرو فيروز ٿاڻي تي داخل ڪرائڻ بعد ميڊيڪل ليٽر وٺي پوسٽ مارٽم ڪرايوسين جڏهن اسان ٿاڻي تي ايف آئي آر داخل ڪرائڻ وياسين ته ٿاڻي وارن جواب ڏئي ڇڏيو اسان اهڙي ناجائزي خلاف ڪورٽ سميت اعلا اختيارين کي ٽيليگرام ڪيا آھن ان بعد سيپڪو وارا مڇرجي انتقامي ڪاروائي ڪندي درخواست گذار صحافي يونين اڳواڻ جي گهر جو ميٽر هجڻ باجود بجلي ڪٽي ڇڏي آھي هنن وڌيڪ چيو ته گلاب راڄپر واپڊا وارن جي غلطين سبب فوت ٿيو آھي ان ڪري سيپڪو انجنيئر سميت لاڳاپيل ايس ڊي او تي قتل جو ڪيس داخل ڪيو وڃي اسان ڪورٽ ۾ به پٽيشن داخل ڪئي آھي اسان کي عدالت مان اميد آھي ته انصاف ٿيندو ۽ جيڪڏهن واپڊا وارن پنهنجي بدماشي ختم نه ڪئي ته احتجاج جو دائرو وسيع ڪرڻ ڪرڻ سان گڏ نيشنل هائي وي بلاڪ ڪيو ويندو