ڪراچي: علاج لاءِ پيسا گھرڻ تان پيرسن پيءَ کي پٽ جو ڌمڪيون، ملڪيت تي قبضو

106 views | 21st Nov 2023 • سنڌي خبرون

ڪراچي: علاج لاءِ پيسا گھرڻ تان پيرسن پيءَ کي پٽ جو ڌمڪيون، ملڪيت تي قبضو

ڪراچي (رپورٽر) ڪراچي جي علائقي لاسي ڳوٺ جي رهواسي 70 ورهين جي شگر جي مرض ۾ مبتلا پيرسن عبدالرزاق ڪاٺيواڙي جي ملڪيت تي پٽ قبضو ڪري ورتو علاج لاءِ پيسا گهرڻ تي کيس ڌمڪيون ڏيڻ لڳو، پيرسن صحافين سان ڳالهائيندي چيو ته مون کي ننڍي پٽ احمد رضا مان جان جو خطرو آهي مارڪٽ سان گڏ مارڻ جون ڌمڪيون ڏئي رهيو آهي، ڪراچي ايسٽ نيشنل پريس ڪلب ۾ شوگر جي مرض ۾ مبتلا پيرسن عبدالرزاق ڪاٺياواڙي صحافين سان ڳالهائيندي چيو ته مان لاسي ڳوٺ ۾ رهان ٿو، منهنجا 5 دڪان آهن ۽ ڪاروبار هلي رهيو آهي، ننڍو پٽ احمد رضا مون کي ڌمڪيون ڏئي رهيو آهي. هو غلط ماڻهن جي صحبت ۾ اچي منهنجي ملڪيت تي زبردستي قبضو ڪري ورتو آهي. هن وڌيڪ چيو ته پئسا گهرڻ تي مون کي پستول ڏيکاري جان کان مارڻ جون ڌمڪيون ڏئي ٿو سڄي ملڪيت منهنجي آهي اڄ کان پوءِ هن جو منهنجي ملڪيت سان ڪو به واسطو نه هوندو ۽ مان احمد رضا کي پنهنجي ملڪيت کان ڌار ڪري ڇڏيان ٿو منهنجي ملڪيت منهنجي حوالي ڪري، پيرسن آءِ جي سنڌ ڊي آءِ جي، ايس ايس پي ايسٽ کي اپيل ڪئي ته ڌمڪين جو نوٽيس وٺي مون کي انصاف ۽ تحفظ فراهم ڪيو وڃي.