نوشھروفيروز ۾ مفت بلڊ ڪيمپ لڳائي وئي

26 views | 21st Nov 2023 • سنڌي خبرون

نوشھروفيروز ۾ مفت بلڊ ڪيمپ لڳائي وئي

نوشھرو فيروز(ڊر) فاطميه فائونڊيشن بلڊ بئنڪ سول اسپتال نوشھرو فيروز پاران انسٽيٽيوٽ آف نرسنگ نوشھرو فيروز ۾ مفت بلڊ ڊونيشن ڪئمپ لڳائي ويئي۔ جنهن ۾ اسٽاف انتظاميه توڙي شاگردن وڏي انگ ۾ رت جو عطيو ڏنو ان موقعي تي انسٽيٽيوٽ جي اڳواڻ انتظار علي مري ڊاڪٽر محمد صفر چنه سماجي اڳواڻ اعجاز ممنائي ۽ ٻين پنهنجي خيالن جو اظھار ڪندي چيو ته هن انسٽيٽيوٽ ۾ هر سال جيان هن سال به رت جي عطيي جي ڪئمپ لڳائي رهيا آھيون هن ڪئمپ جو مقصد ٿيليسيميا، ڊائلاسز توڙي ٻين بيمارين ۾ مبتلا غريب مريضن جي مدد ڪرڻ آھي۔ اڳواڻن چيو ته ھن ڪار خير ۾ هر ڪو پنھنجو حصو وٺي رهيو آھي ڇوته نوجوانن جو ڏنل رت مريضن جي جياپي جو ذريعو آھي۔ الله جي راهه ۾ اگر مال ڏيندا ته مال وڌندو اگر خون ڏيندا ته ڪريم رب توھان کي صحتمند زندگيء عطا ڪندو۔ياد رهي ته هي بلڊ ڊونيشن ڪئمپ سول سرجن ڊاڪٽر خادم عل مڱريو جي هدايتن تي لڳائي وئي جنهن ۾ 50 کان مٿي ڊونرن رت جو عطيو ڏنو۔