ڳيريلو جي گرلس ھاءِ اسڪول جي عمارت جو ڪم رولڙي جو شڪار

3سال گذرڻ باوجود گرلس ھاءِ اسڪول جو ڪم مڪمل ناھي ٿي سگھيو: ڳوٺاڻا

ڳيريلو (رپورٽر)) گرلس ها۽ اسڪول ڳيريلو جي عمارت گذريل ٽن ورهين کان رولهڙي جو شڪار ٺيڪيدار عمارت جو ڪم اڌ ۾ ڇڏي غائب ٿي ويو جڏهن ته شاگردياڻيون متبادل طور گرلس پرائمري اسڪول ۾ پڙهڻ تي مجبور،پرائمري اسڪول ۾ فرينچر توڙي گهربل سهولتن جي اڻاٺ هجڻ سبب سندن تعليم سخت متاثر ٿيڻ لڳي آهي ان سلسلي ۾ شاگردياڻين جي والدين ۽ شهرين وڪيل طاهر منير، شفيق احمد منگي، غلام عباس سولنگي ،طارق حسين منگي، وقار بروهي ۽ ٻين صحافين اڳيان دانهيندي چيو آهي ته گورنمينٽ گرلس ها۽ اسڪول ڳيريلو جي عمارت زبون حال ٿيڻ بعد عمارت جي مرمت جو ڪم شروع ڪيو ويو جيڪو پڻ گذريل ٽن ورهين کان رولهڙي جو شڪار بڻيل آهي هنن وڌيڪ چيو ته عمارت جي مرمتي ڪم جي سست رفتاري بابت اسين تعليم کاتي جي عملدارن کي بار بار اهڙي شڪايت ڪري چڪا آهيون پر سندن جي ڪن تي جون به ناهي چري جڏهن ته ٺيڪيدار پڻ عمارت جو ڪم اڌ ۾ ڇڏي غائب ٿي ويو آهي ٻئي طرف اسڪول جو لکين روپين جو فرنيچر ٻاهر رکيل هجن سبب سڪي ۽ سڙي رهيو آهي، جڏهن ته نياڻيون گذريل ٽن سالن کان هڪ گرلس پرائمري اسڪول ۾ متبادل طور پڙهي رهيون جتي پڻ فرنيچر ۽ گهربل سهولتون نه هجڻ سبب کين ڏکيائن کي منهن ڏيڻو پئجي رهيو آهي ۽ سندن تعليم به سخت متاثر ٿي رهي آهي، هنن تعليم جي صوبائي وزير، سيڪريٽري تعليم ۽ ٻين اعلا عملدارن کان مطالبو ڪيو ته فوري طوراسڪول جي عمارت جو اڌ ۾ ڇڏيل ڪم مڪمل ڪري نياڻين جو تعليمي مستقبل بچائي والدين جي بيچيني ختم ڪئي وڃي