نوشھروفيروز ۾ ميونسپل ملازمن جو پگھارون نھ ملڻ خلاف احتجاج جاري

نوشھروفيروز ۾ ميونسپل ملازمن جو پگھارون نھ ملڻ خلاف احتجاج جاري

نوشهرو فيروز(ڊ ر) ميونسپل ڪاميٽي نوشهرو فيروز جي ملازمن کي ٻن مهينن جون پگهارون نه ڏيڻ ۽ سنڌ حڪومت پاران هندو ملازمن کي ديوالي جي ايڊوانس پگهار نه ڏيڻ خلاف آل پاڪستان لوڪل گورنمينٽ ورڪرز فيڊريشن نوشهرو فيروز پاران پريس ڪلب آڏو احتجاجي مظاهرو ڪري ٽائرن کي باهيون ڏنيون ويون. ان موقعي تي اڳواڻن ڪشن راجا، نويد تڳر، مولابخش شيخ، منظور ملڪ، عمران راڄپر، غلام نبي شيخ ۽ ٻين چيو ته ٻن مهينن کان پگهارون نه ملڻ ڪري ملازم سخت پريشان آھن ۽ ٽيون مهينو ديوالي جي لاءِ ايڊوانس مهيني جي پگهار ڏيڻ جو اعلان ٿيو آھي پر ان تي به عمل نه ڪيو ويو آهي جيڪا وڏي نا انصافي آھي. ميونسپل ملازمن جي احتجاج ۾ يڪجهتي طور سنڌ صحافي اتحاد جي اڳواڻ يونس راڄپر، سماجي اڳواڻ ماھنور شيخ، رياض مهر، اسڪارپ ايريگيشن يونين اڳواڻ امجد جامي تڳر، ڪائونسلر ميونسپل ڪاميٽي شاھنواز عمراڻي پڻ شرڪت ڪئي. ملازم اڳواڻن سومر جي ڏينهن ڊي سي آفيس اڳيان ڌرڻو ھڻڻ جو اعلان ڪيو.