نوشھروفيروز ۾ يونيورسٽي ڪيمپس جي شاگرد تي ڪيس داخل ٿيڻ خلاف احتجاج

views | 07th Nov 2023 • سنڌي خبرون

پوليس وڏيرن جي ونگار وھي ڪوڙو ڪيس داخل ڪيو آھي، مستقبل تباھھ ڪرڻ جي سازش ڪئي پئي وڃي: نويد کوسو

نوشهرو فيروز (ڊر) شھيد بينظير يونيورسٽيءَ نوشھروفيروز ڪئمپس جي شاگرد نويد کوسي مٿان نوشھروفيروز پوليس پاران ڪيس داخل ڪرڻ خلاف شاگردن جو احتجاج جاري آھي. شاگردن پريس ڪلب نوشهروفيروز آڏو ڌرڻو ھڻي پوليس خلاف نعري بازي ڪئي. ان موقعي تي شاگرد نويد کوسي چيو ته پوليس وڏيرن جي ونگار وھي ڪوڙو ڪيس داخل ڪيو آھي. جڏھن ته ڪيس داخل ٿيڻ بعد مستقبل اونداهون ۽ پڙھائي متاثر ٿي رھي آھي. ٻين شاگردن اسد چانڊيو، اڪبر کوسو، اصغر کوسو ۽ ٻين چيو ته شاگرد مٿان ڪوڙو ڪيس واپس ورتو وڃي ڇاڪاڻ ته نوشھروفيروز پوليس بنا جاچ جي ڪوڙو ڪيس داخل ڪري ظلم ڪيو آھي.