مڪلي ويجھو اسٽون ڪريش پلانٽ مقامي ماڻھن لاءِ آزار بڻيل، ڳوٺاڻن ۾ تاءُ

مشتاق احمد سومرو اسٽيل مل جي سرڪاري پهاڙي تي رشوت وٺي اسٽون ڪريش پلانٽ لڳرايا آهن: ڳوٺاڻن جو الزام

ٺٽو(ڊر) مڪلي ويجهو پاڪستان اسٽيل مل جي پنج هزار ايڪڙ سرڪاري زمين تي ڪيترائي ناجائز لڳل اسٽون ڪريش پلانٽن مقامي ماڻهن لاءِ آزار بڻيل،مقامي ماڻهن ان سلسلي ۾ گذريل ڏينهن ڳوٺ رمضان جوکيو ڳوٺ محمد قاسم جوکيو ڳوٺ سومار جوکيو ڳوٺ هاشم پالاري حاجي محمدالدين مري ۽ ٻين ڪيترن ڳوٺن جي ڳوٺاڻن لاءِ آزار بڻيل ناجائز اسٽون ڪريش پلانٽن کي فوري بند لاءِ مرحليوار احتجاج ڪرڻ تحريڪ هلائڻ سخت احتجاج جو چتاءُعوامي پريس ڪلب ٺٽو ۾ مقامي ڳوٺاڻن آزاد عزيز اللّه جوکيو گنهور خان جوکيو قائم علي جوکيو بهادر خان جوکيو ٻين پريس ڪانفرنس ڪندي چيو ته پاڪستان اسٽيل مل ڪيترن سالن کان بند آهي ان ڪري اسٽيل مل جا پلانٽ به بند آهن پر ان باوجود اسٽيل مل جو اڳوڻون رٽائرڊ ريسٽ هائوس انچارج ملازم هاڻوڪو ڊيلي ويجز تي پلانٽ انچارج مقرر مشتاق احمد سومرو جيڪو پنهنجي پاور تي ناجائز نموني اسٽيل مل جي سرڪاري پهاڙي تي لکون روپيه رشوت وٺي اسٽون ڪريش پلانٽ لڳرايا آهن اهڙن ناجائز اسٽون ڪريش پلانٽن ۾ ھر روز واڌارو ٿيندو پيو وڃي هن وقت چار اسٽون ڪريش پلانٽ آهن جن ۾ هزارا ڪريش پلانٽ شاهمراد ڪريش پلانٽ ابراهيم ڪريش پلانٽ سميت ٻيا ڪجھ اسٽون ڪريش پلانٽ آهن جيڪي ان اسٽيل مل جي پهاڙي تي قائم آهن ان پهاڙي ڀرسان ڪيترائي قديمي مقامي ماڻهن جا ڳوٺ آهن جن کي اسٽون ڪريش پلانٽن جي ڌماڪيدار بلاسٽينگ سبب پڪن گهرن توڙي اسڪولن جي ديوارن کي ڏار پئجي ويا آهن مٽي دز سبب ڪيترن ئي ڳوٺاڻن جون اڳ به ٻڪريون ڌماڪن جي زد ۾ اچي مرڻ جا واقعا پڻ ٿيا آهن ڳوٺاڻن چيو اسان جي ماڻهون مٽي دز سبب دم ساھ کنگھ جهڙن مرضن ۾ مبتلا ٿيڻ لڳا آهن ڳوٺاڻن چيو اڳ به اسان ڌانهون ڪيون آهن پر ڪو تدارڪ نه ٿيو مقامي ڳوٺاڻن چيو ته ناجائز سمورن اسٽون ڪريش پلانٽن کي فوري بند ڪرايو وڃي جڏهن ته ڊيلي ويجز تي پاڪستان اسٽيل مل جي پلانٽن تي مقرر انچارج مشتاق سومرو کي فوري هٽائي سندس خلاف ڪيس داخل ڪيو وڃي جنهن طرفان پاڪستان اسٽيل مل جي سرڪاري زمين کي پنهنجي ذاتي جائيداد سمجهي اسٽون ڪريش پلانٽ لڳرائي مهنيوار لکون روپيه رشوت وصولي ڪئي وڃي ٿي هنن ڊي سي ٺٽو ايس ايس پي ٺٽو ۽ پاڪستان اسٽيل مل توڙي منرل مائينز سنڌ توڙي هيلٿ کاتي جي اعليٰ اختيارين کان فوري تحرڪ جو مطالبو ڪيو آهي