ڪامريڊ حيدربخش جتوئي جي اباڻي ڳوٺ جي گرلس سيڪنڊري اسڪول جي عمارت زبون حال

209 views | 20th Oct 2023 • سنڌي خبرون

صبح سان اسڪول اچي ڏٺوسين تھ ڇت جا چاپِڙ ڪِريل ھئا، شاگردياڻين ۾ خوف پکڙجي ويو آھي: ايڇ ايم فوزيھ سنديلو

ڏوڪري(رپورٽر) ڪامريڊ حيدر بخش جتوئي جي اباڻي ڳوٺ بکوديرو ۾ قائم گرلس سيڪنڊري اسڪول جي عمارت زبون حالي جو شڪار ٿي وئي، اسڪول جي ھيڊمسٽريس فوزيھ سنديلو جو چوڻ آھي تھ رات دير سان اسڪول جي ڪمزور عمارت جي ڇت جا چاپڙ ڪِرڻ سبب شاگردياڻيون محفوظ رھيون، اسڪول جي عمارت ڪمزور ٿي چڪي آھي، ڇت جا چاپڙ ڪِرڻ معمول بڻيل آھي جنھن سبب شاگردياڻيون، ماسترياڻيون توڙي ٻيو اسٽاف خوف ۾ مبتلا آھن، ڪيترائي ڀيرا دانھڻ باوجود تعليم کاتي جي اختيارن جي ڪنن تي جونءِ بھ نٿي چري، نوٽيس وٺي اسڪول جي نئين عمارت ٺھرائي ڏني وڃي تھ جيئن شاگردياڻيون بھتر نموني تعليم پرائي سگھن ۽ سندن مان خوف ختم ٿي سگھي