ٺٽي ضلعي ۾ سماجي تنظيم پاران ٻوڏ ۽ برسات متاثرن جي واھر جو سلسلو جاري

ڪاشف اقبال ويلفيئر فائونڊيشن ۽ شڪاگو فرينڊز ڪيترن ئي سالن کان متاثرن جي مدد ڪري رهيا آهن : اڳواڻ

ٺٽو( ڊر) گذريل سال پوندڙ برساتن ۽ ٻوڏ سڄي ضلعي کي نقصان پهچايو هو، جنهن کانپوءِ متاثرن جي بحالي لاءِ ڪاشف ويلفيئر فائونڊيشن پاران امدادي ڪارروايون جاري آهن انھي سلسلي ۾ گهارو شھر ڀرسان ڳوٺ مولوي محمد عارف پليجو جو ڳوٺ جيڪو ھر سال پوندڙ برساتن سبب جبل واري علائقي مان ايندڙ پاڻي جي ڪرص ٻوڏ واري صورتحال ۾ اچي ويندو آهي جنهن جي ھن ڳوٺ ۾ ھر سال پوندڙ برساتن جي ڪري 5 کان 6 فوٽ پاڻي ڳوٺ ۾ داخل ٿئي ٿو ۽ مجبورن ڳوٺاڻن کي لڏپلاڻ ڪرڻي پوي ٿي ۽ سندن ڪاروبار ۽ فصل تباهه ٿي وڃن ٿا، جنهن ڪري اهي ڳوٺاڻن کي سخت مشڪلاتن کي منھن ڏيڻو ٿو پوي ڪاشف اقبال ويلفيئر فائونڊيشن ۽ شڪاگو فرينڊز گذريل ڪيترن ئي سالن کان متاثرين جي مدد ڪري رهيا آهن انھي سلسلي ۾ ھن ڀيري پڻ ڳوٺ جي ٽي سئو خاندانن ۾ راشن جا ٿيلها ورهايا ويا آھن، ان موقعي تي ميڊيا سان ڳالهائيندي تنظيم جي اڳواڻ خالد آرائين ۽ مسز خالد آرائين چيو ته اسان جي تنظيم سڄي ملڪ جي قدرتي آفتن ۾ مدد ڪندي آهي. سنڌ ۽ بلوچستان ۾ فلاحي ڪم ڪري غربت جي لڪير کان هيٺ رهندڙ ماڻهن کي راشن جا ڪپڙا ۽ گهر پڻ ٺاهي ڏنا ويندا آھن، ڪافي ڳوٺن ۾ واش روم به ٺاهيا ويا آهن، ان کان علاوه 16 گهرن جو ماڊل ڳوٺ به مڪمل ٿيڻ وارو آهي. ۽ پوءِ اسان غريب ماڻهن لاءِ شيلٽر هوم ٺاهينداسين ته جيئن غريب ماڻهن کي گهر جهڙو ماحول ملي سگهي