ڪشمور ضلعي ۾ آبادگارن ۽ ھارين جو سارين جي اگھھ ۾ گھٽائي خلاف احتجاج

ساريون مارڪيٽ ۾ اچڻ شرط اگھھ 45سئو مان 27سئو کان 29 سئو روپين تائين پھچي ويو آھي: آبادگار

ڪشمور (دلبر جاني)ڪشمور ضلعي جي آبادگارن طرفان سارين جا اگھ نه ملڻ ڪري مل مالڪن ۽ واپارين خلاف ڊسٽرڪٽ پريس ڪلب ڪشمور اڳيان احتجاجي مظاهرو ڪيو ويو هارين ۽ آبادگارن ھٿ ۾ پلي ڪارڊ کڻي واپارين خلاف سخت نعري بازي ڪئي رفيق احمد چنه ڪامريڊ شير جکراڻي محمد ساجد مزاري دلجان مزاري حافظ محمد حنيف قادري ۽ ٻين ميڊيا سان ڳالهائيندي چيو ته ڪجھ ڏينهن اڳ سارين في مڻ 4500 ۾ وڪرو ٿئي رھيون ھيون ھاڻي جڏھن ضلعي ڪشمور ۾ سارين جو فصل مڪمل طور تيار ٿي مارڪيٽ پهتو آھي ته واپارين 2700 کان 2900 روپين ۾ في مڻ خريد ڪري لڳا آهن ڪجهه ٽائيم پھريان ڊي اي پي کاڌ جنهن جو سرڪاري ريٽ 9500 سو روپيه ھيو اسان کي 13000ھزار ۽ سونا يوريا جنهن جو سرڪاري ريٽ 2200 سو روپيه ھيو انهن اسان کي 4400 سو روپيه في ٻوري ڏني انھن جي سارين جو ٻج 2200 سو روپيه في ڪلو ۽ اسان جون ساريون 2700 في مڻ ايڏو ظلم ھي آبادگارن جو معاشي قتل آهي اسان پنهنجون ساريون روڊن تي رکي باھ ڏي ساڙينداسين پر واپارين کي ڪونه ڏينداسين واپاري پاڻ ميٽنگ ڪري جيڪو آبادگارن کي ٻني هٿن سان ڦرڻ شروع ڪري ڇڏيو آهي اسين وزير اعليٰ سنڌي نئين آيل ڊي سي ڪشمور ۽ اعليٰ اختيارين کان پر زور مطالبو ڪيون ٿا ته خدارا واپارين خلاف قانوني ڪاروائي ڪري هارين سان انصاف ڪيو وڃي نه ته ٻئي صورت ۾ سڄي سنڌ اندر احتجاج جي تحريڪ هلائي ويندي