نوشھروفيروز ۾ دل جي بيمارين کان بچاء جي عالمي ڏينهن تي جاڳرتا ريلي ڪڍي وئي

روزاني 25 منٽ واڪ ڪرڻ. شگر بلڊپريشر کي ڪنٽرول ڪرڻ سان دل جي دورو ۽ دل ٻين بيمارين کان بچي سگهون ٿا: ڊاڪٽرز

نوشھروفيروز (ڊر) دل جي بيمارين کان بچاء جي عالمي ڏينهن جي مناسبت سان سول اسپتال نوشھروفيروز کان جاڳرتا ريلي ڪڍي ويئي ان موقعي تي دل جي بيمارين جي ماهر ڊاڪٽرن ڊاڪٽر سعيد احمد جلباڻي، ڊاڪٽر محمد صفر چنه، ڊاڪٽر سيد نثار احمد شاهه، ڊاڪٽر اعجاز علي ميمڻ ڊاڪٽررحمت الله سومرو چيو آهي ته کائڻ پيئڻ جي شين ۾ پرهيز ڪرڻ. روزاني 25 منٽ واڪ ڪرڻ. شگر بلڊپريشر کي ڪنٽرول ڪرڻ سان دل جي دورو ۽ دل ٻين بيمارين کان بچي سگهون ٿا. اڳ ۾ وڏي ڄمار جي ماڻهن ۾ دل جون بيماريون ٿينديون هيون پر هاڻي نوجوان ڪيريئر شروع ڪرڻ کان اڳ ۾ ئي دل جي بيمارين ۾ مبتلا ٿي وڃن ٿا. چيو آهي ته دل جي بيمارين کان بچڻ لاءِ بيمارين بابت آگاهي ڏيڻ ضروري آهي.هنن چيو ته دنيا ۾ 45 سيڪڙو ماڻهو دل جي بيمارين سبب مري وڃن ٿا. دل جي بيمارين جي ڀيٽ ۾ ٻين بيمارين ۾ ايتري موت ناهي ناهي ٿيندي. ڪينسر وگهي 5 سيڪڙو ماڻهن جو موت ٿئي ٿو. هنن وڌيڪ چيو ته دنيا دل جي بيمارين تي ڪنٽرول ڪري رهي آهي پر اسان ويتر دل جي بيماري ۾ وٺجي رهيا آهيون. هنن چيو ته اڳ ۾ ماضي ۾ نوجوانن ۾ دل جون بيماريون نه هيون. هاڻ 30 سالن جا نوجوان دل جي بيمارين جو شڪار ٿي اسپتالن ۾ اچن ٿا. نوجوان کاڌي پيتي ۾ احتياط نٿا ڪن. اڳ ۾ اها بيماري عورتن ۾ نه هئي. هاڻ 25 ورهين جي عورتن ۾ به دل جي بيماري وڌي رهي آهي. پهرين 60 سالن کانپوءِ عورتن ۾ دل جي بيماري ٿيندي هئي. هنن چيو ته اسان کائڻ ۾ احتياط ڪريون ته مرڻ جي رفتار گهٽ ٿي ويندي. هنن چيو ته دنيا ۾ هڪ ڪروڙ 85 لک ماڻهو دل جي بيماريء سبب مري وڃن ٿا. جڏهن ته هن بيمارين کان بچي سگهجي ٿو. بلڊپريشر ۽ شگر کي ڪنٽرول ڪيو وڃي. شگر جي بيماري دوران دل جي دورو جا چانس وڌيڪ هوندا آهي. شگر ٿيڻ شرط پهريون اٽيڪ دل جو به ٿي سگهي ٿو. پنهنجو وزن گهٽ ڪيو. سگريٽ بند ڪيو وڃي. کنڊ ۽ چڪناهٽ واريون شيون بند ڪيون وڃن. هنن چيو برگر فاسٽ فوڊ ۽ برگر جي دڪانن جي ڀرمار سان به دل جي بيمارين ۾ واڌ ٿي رهي آهي. هن بيماري جو غريب ماڻهو گهٽ شڪار ٿين ٿا. اهي ڪم وڌيڪ ڪن ٿا. هنن چيو ته ماحوليات تبديلي به اثر ڪري ٿي. نفسياتي بيماريون به دل جي تڪليف جو وڏو سبب بڻجي رهيون آهن. اسٽريس وڌي رهيو آهي هنن چيو ته واڪ سان دل کي سڪون ملندو. اڄڪلهه بيماري ۾ پورو خاندان تباهه ٿي رهيو آهي انهن کي بچايو وڃي.