شڪارپور: ڊي سي آفيس ۾ اين آءِ ڊي ريڊينيس پوليو بابت گڏجاڻي

02 آڪٽوبر کان 08 آڪٽوبر تائين پوليو مهم ٿي رهي آهي: ڊاڪٽر امتياز حسين ميتلو

شڪارپور ( احسان ابڙو ) اين آءِ ڊي ريڊينيس پوليو گڏجاڻي 02 آڪٽوبر کان 08 آڪٽوبر تائين پوليو مهم ٿي رهي آهي. ڊاڪٽر امتياز حسين ميتلو زيرو ڊوز 99 فيصد مڪمل ٿي چڪو آهي. بريفنگ تفصيل موجب 02 آڪٽوبر سومر کان شروع ٿيندڙ پوليو مهم جي تيارين بابت ڊپٽي ڪمشنر آفيس شڪارپور ۾ گڏجاڻي ٿي. گڏجاڻيءَ جي صدارت ڊپٽي ڪمشنر شڪارپور الطاف احمد چاچڙ ڪئي. گڏجاڻيءَ ۾ بريفنگ ڏيندي ڊي پي سي آر انچارج ڊاڪٽر امتياز حسين ميتلو ٻڌايو ته آڪٽوبر واري اين آءِ ڊي پوليو مهم 02 تاريخ کان شروع ٿيندي، جيڪا 7 ڏينهن تي مشتمل هوندي. هن ٻڌايو ته هن دفعي 3 لک 42 هزار 5 سئو 59 اڻهٺ ٻارن کي پوليو جا قطرا پياريا ويندا، جنهن لاءِ 730 گشتي ٽيمون ٺاهيون ويون آهن. تعلقي شڪارپور 15، خانپور 10، لکي غلام شاهه 11، ڳڙهي ياسين 13 جون يوسيون شامل آهن. هن ٻڌايو ته يوسي نم ۽ نوشهرو ۾ ٽيمن سان گڏ پوليس سڪيورٽي ڏني وڃي ۽ مائڪرو پلان ۾ سڀ يوسيون پاس رهيون آهن هن چيو ته مائيڪروپلان ۾ يوسي 2 ۽ ڪجهه يوسين ۾ سڪيورٽي جو مسئلو درپيش آيو. وارياسو ۽ ٻانڀيهڙ يوسي جيڪا ڳڙهي ياسين جي حد ۾ آهي اتي اسان کي پوليس فورس ۽ مانيٽرنگ کي وڌائڻو پوندو. هن چيو ته هن وقت اڃان به وڌيڪ ويڪسين اچي پئي ۽ اسان هن دفعي 99 فيصد زيرو ڊوز ٻار مڪمل ڪيا آهن. هن چيو ته هن دفعي اسانجون 40 ٽرانزٽ پوائنٽون آهن. گڏجاڻيءَ سان ايس ايس پي شڪارپور خالد مصطفيٰ ڪورائي چيو ته پوري ضلعي ۾ جتي به پوليو ٽيمن کي پوليس سڪيورٽيءَ جي ضرورت پوندي ته اسين سڪيورٽي مهيا ڪنداسين. گڏجاڻيءَ سان ڳالهائيندي ڊپٽي ڪمشنر شڪارپور الطاف احمد چاچڙ چيو ته ايندڙ پوليو مهم کي ڪامياب ڪرڻ لاءِ مائڪرو پلان تي عمل ڪيو وڃي ۽ اي پي آءِ وارا روزانه جي بنياد تي پنهنجي فيلڊ ڪم جاري رکن ۽ ٻارن کي 6 حفاظتي بيمارين جا ٽڪا لڳائن.