ڄام نوازعلي ويجهو ڊيوٽي تان واپس ڳوٺ ويندڙ پرائمري استاد قتل

91 views | 25th Sep 2023 • سنڌي خبرون

موٽرسائيڪل سوار هٿياربندن جي فائرنگ ۾ استاد يار محمد ملوڪاڻي مارجي ويو

ڄام نوازعلي ٿاڻي جي حد ۾ ڊيوٽي تان واپس ڳوٺ ويندڙ پرائمري استاد هٿياربندن جي فائرنگ ۾ مارجي ويو، علائقي واسين جو چوڻ آهي ته ٻن موٽرسائيڪلن تي سوار هٿياربندن سانگهڙ ٽنڊو آدم روڊ تي ڀوڀر شاخ وٽ گوليون هڻي پرائمري استاد يار محمد ملوڪاڻي کي قتل ڪري ڇڏيو، مارجي ويل استاد پرائمري اسڪول مولابخش ملوڪاڻي مان واپس ڳوٺ محبت ملوڪاڻي ايندي رستي ۾ مارجي ويو، پوليس جو چوڻ آهي ته واقعو سڱاوتي تڪرار تان پيش آيو آهي، وڌيڪ جاچ ڪئي پئي وڃي