فيض گنج ۾ ھڪ ئي ڏينھن ۾ فھميدھ نالي 2 ناريون ڪارنھن الزام ھيٺ مبينا قتل

فھميدھ سولنگي ۽ فھميدھ راڄپر جي ڀائرن ھٿان قتل ٿيڻ جو انڪشاف

فيض گنج ۾ ھڪ ئي ڏينھن ۾ ٻن نارين جو پنھنجي ڀائرن ھٿان مبينا قتل، سوشل ميڊيا تي فھميدھ ڌيءَ ارباب سولنگي جي ڀاءُ ھٿان مبينا قتل بابت خبر سامھون اچڻ بعد پوليس ناري جي ڳوٺ پھچي وئي، پوليس جو چوڻ آھي تھ سوشل ميڊيا تي خبر ھلي رھي آھي تھ فھميدھ کي سندس ڀاءُ اويس سولنگي ڪارنھن الزام ھيٺ گھٽا ڏئي قتل ڪرڻ بعد سندس لاش ڳجھھ ڳوھھ ۾ دفنائي ڇڏيو آھي، ٻي طرف ڪوٽ لالو ۾ فھميدھ راڄپر بھ ڀاءُ ھٿان مبينا طور مارجي وئي، علائقي واسين جو چوڻ آھي تھ فھميدھ راڄپر کي سندس ڀاءُ شھباز فون تي ڳالھائيندي ڏسي کيس گولي ھڻي قتل ڪري ڇڏيو، جڏھن بعد پوليس کي رشوت ڏئي واقعي کي آپگھات جو رنگ ڏنو ويو، اھڙيون خبرون سوشل ميڊيا تي اچڻ بعد واقعي جو ايس ايس پي نوٽيس ورتو، جنھن بعد پوليس پھچي ناري جو لاش سندس وارثن کي دفنائڻ کان روڪيندي گھر منتقل ڪري ڇڏيو، پوليس ڪيس داخل ڪري ورتو جڏھن تھ جوابدار گرفتار ناھي ٿي سگھيو