ميرپورخاص واسڻ ناري جو مڙس سميت تحفظ لاءِ احتجاج

views | 15th Sep 2023 • سنڌي خبرون

شادي بعد وارث حياتي جا دشمن جا ٿي ويا آھن، تحفظ ڏنو وڃي: ناري

گڏاپ(رپورٽر)ميرپورخاص واسڻ ناري ڪراچي جي سٽي ڪورٽ ۾ نوجوان سان پسند جي شادي ڪري ڇڏي. تفصيل موجب. ڪراچي جوڳي ڪالوني ميرپورخاص مان گھران نڪري ڪراچي جي سٽي ڪورٽ ۾ پھچي پيار جو پرڻو ڪندڙ اعجاز علي سولنگي ۽ سندس گھر واري مسمات ناظرين ولد علي محمد ڪراچي ۾ صحافين آڏو احتجاج ڪندي ٻڌايو ته 05 سيپٽمبر 2023 تي شريعت محمدي موجب سٽي ڪورٽ ڪراچي ۾ پسند جو پرڻو ڪيو آھي۔ مسمات ناظرين چيو ته اسان ٻئي پاڻ ۾ خوش آهيون پر اسان جا مائٽ منهنجو پيءُ۔ ڀائر ۽ سندن همدرد اسان جي جان جا دشمن بڻجي ويا آهن ۽ مون کي ۽ منهنجي مڙس کي مارڻ جون ڌمڪيون ڏئي رهيا آهن. اسان کي مختلف طريقن سان تنگ ڪيو پيو وڃي. مون کي ڪنهن به اغوا نه ڪيو آهي. آء پنھنجي مرضي سان گھران نڪري سٽي ڪورٽ ۾ اعجاز علي سولنگي سان نڪاح ڪيو آھي۔ منھنجي مائٽن ميرپورخاص ٿاڻي تي منھنجي مڙس ۽ سندس گھر ڀاتين مٿان اغوا جو ڪوڙو ڪيس داخل ڪرايو آھي. جنھن کي ڪوڙو سمجھيو وڃي۔ ھنن چيف جسٽس سنڌ هاءِ ڪورٽ آءِ جي سنڌ. ايس ايس پي ميرپورخاص ۽ اعليٰ اختيارين کي اپيل ڪئي ته اسان مٿان داخل ڪوڙا ڪيس ختم ڪري اسان کي تحفظ فراهم ڪيو وڃي۔