ميرپورخاص ۾ پسند جو پرڻو ڪندڙ جوڙي پاران تحفظ جي گهر

181 views | 29th Aug 2023 • سنڌي خبرون

پسند جو پرڻو ڪرڻ تان مائٽ جان جا ويري بڻجي ويا آهن: لالان سولنگي

ميرپورخاص(خيرالدين چانڊيو)ميرپورخاص تعلقي پٿورو جي غلام نبيءَ شاھ واسي پريمي جوڙو ميرپوخاص پهچي پيار جو پرڻو ڪري ڇڏيو۔تحفظ جي اپيل۔تفصيل موجب تعلقي پٿورو جي غلام نبيءَ شاھ واسي 22 ورھين جي ناري لالان سولنگي پٿوري واسي شادي شده 24 ورھين جي محب سولنگيءَ سان ميرپورخاص جي عدالت ۾ پسند جو پرڻو ڪرڻ بعد ايوان صحافت ميرپورخاص پھچي پريس ڪانفرس ڪندي چيو ته اسان پنھجي مرضي سان شريعت محمدي مطابق نڪاح ڪيو آهي جنھن بعد اسان جا مائٽ اسان جا جاني دشمن ٿي پيا آهن اسان کي تحفظ فراهم ڪيو وڃي پيار جو پرڻو ڪندڙ ناريءَ لالا سولنگي صحافين آڏو دانهيندي چيو ته منھنجا مائٽ ڀاءُ نورو ، عباس ، محمد حسن ، سئوٽ جمن فيضو ، اسماعيل ، غلام محمد ، حاجي ، ڪارو ، شير ، رمون ڪامل ۽ ٻيا ڌمڪيون رھيا آھن ته مون سميت منھنجي مڙس کي قتل ڪرڻ جون ڌمڪيون ڏئي رهيا آهن اسان ڊي آئي جي ميرپورخاص ، ايس ايس پي عمرڪوٽ ۽ ايس ايڇ او پٿورو سميت وس وارن کي اپيل ٿا ڪريون ته اسان کي تحفظ فراهم ڪري قانون مطابق جئيڻ جو حق ڏنو وڃي