ميرپوربٺورو ويجهو هڪ ڏينهن واري مفت ميڊيڪل ڪيمپ لڳائي وئي

views | 11th Aug 2023 • سنڌي خبرون

يوسي ڪنڍور جي چيئرمن ساجد قادر خاصخيلي ڳوٺ اسحاق خاصخيلي ۾ ڪيمپ هڻائي

سجاول (رپورٽر) ميرپوربٺورو يونين ڪائونسل ڪنڍور جي پ پ پ چيئرمن ساجد قادر خاصخيلي پاران پ پ ايم اين اي سيد اياز علي شاھ شيرازي، پ پ ايم پي اي سيد شاھ حسين شاھ شيرازي جي هدايتن تي ڊي ايڇ او محمد حنيف ميمڻ جي تعاون سان ڳوٺ اسحاق خاصخيلي ۾ ھڪ روزا مفت ميڊيڪل ڪئمپ منعقد ڪئي وئي۔ ميڊيڪل ڪئمپ ۾ ڊاڪٽر عبدالعزيز نوهڙي، ڊاڪٽر رامڪمار ۽ ٻي عملي 300 سئو کان وڌيڪ مريضن جو چيڪ اپ ۽ مختلف ٽيسٽون ڪري کين مفت دوائون ڏنيون ويون۔جڏهن ته ڊي ايڇ او سجاول محمد حنيف ميمڻ ۽ سندس ٽيم جنهن ۾ فوڪل پرسن ڊاڪٽر محمد انور ميمڻ ، اي ڊي ايڇ او ڊاڪٽر جعفر عالماڻي، ايڪس اي ايم ايس LB ڊاڪٽر قمرالدين ٻارڻ، ڊاڪٽر منظور ، ڊي ايس وي دائود امر ميمڻ فري ميڊيڪل ڪئمپ جو دورو ڪيو۔ ان موقعي تي ڊي ايڇ او محمد حنيف ميمڻ پاران ڪئمپ جا بهترين انتظام ڪرڻ تي چيئرمن ساجد قادر خاصخيلي جي عوامي خدمت جي جذبي کي ساراهيو ويو۔ ڊي ايڇ او محمد حنيف ميمڻ چيو ته انشااللٰه سجاول ضلعي جي عوام کي پنهنجي وس آھر صحت جون بهترين سهولتون ميسر ڪري ڏنيون وينديون۔ آخر ۾ پ پ چيئرمن ساجد قادر خاصخيلي پاران ڊي ايڇ او ۽ سندس ٽيم کي لنگيون ۽ اجرڪون پارايون ويون۔