سنڌ کي ديوار سان لڳائڻ لاءِ ڪوڙي آدمشماري مڙھي وئي آھي: اياز لطيف پليجو

حقيقي جمھوري حڪومت جي رستا روڪ جي ڪري ملڪ بحرانن مان نٿو نڪري

حيدرآباد(بيورو) قومي عوامي تحريڪ جي سربراھ اياز لطيف پليجي چيو آهي تہ ڪرپشن، مھانگائي، بيروزگاري، قدرتي وسيلن جي لٽمار سنڌ جا وڏا مسئلا آھن. اياز لطيف پليجي چيو تہ حقيقي جمھوري حڪومت جي رستا روڪ جي ڪري ملڪ بحرانن مان نٿو نڪري. سند کي ديوار سان لڳائڻ لاءِ ڪوڙي آدمشماري مڙھي وئي آھي. اھا روش ملڪ کي وڌيڪ بحرانن ۽ مسئلن ۾ گھيري ويندي. اياز لطيف پليجي چيو تہ پيپلز پارٽي جي حڪومت سند جي ھر اداري ۾ ڪرپشن جي ڪينسر پکيڙي ڇڏي آھي. سٻ کان وڌيڪ سنڌ ۾ اٽو مھانگو وڪامي رھيو آھي. کاڌي پيتي سميت ھر شئي ايتري مھانگي ٿي وئي آھي جو ھاري، مزدور ۽ غريب لاءِ ٻہ وقت جي ماني مشڪل ٿي وئي آھي. ماڻھن وٽ پيٽ ڀري کائڻ جيترا وسيلا ناھن. اياز لطيف پليجي چيو تہ زراعت جي تباھي جي ڪري سنڌ ۾ بي پناھ مھانگائي آھي. روزگاري جا وسيلا ناھن. ڪا نئين انڊسٽري ناھي. سرڪاري نوڪري رشوت ۽ سفارش کانسواءِ ناممڪن آھن. وفاقي ادارن ۾ سنڌ جي نوجوانن لاءِ دروازا بند آھن.