ڪنڌڪوٽ ۾ ايس ٽي پي پاران نور الاهي سندراڻي جي قتل واري واقعي خلاف ريلي

اڪرم باجڪاڻي جيوڻ سبزوئي امداد کوسو ظفر ڀيو ۽ ٻين جي اڳواڻي ۾ احتجاجي ريلي ڪڍي

ڪنڌڪوٽ ۾ قبائلي تڪرارن جي خاتمي ۽ ھڪ مھينو اڳ قتل ٿي ويل نور الاھي سندراڻي جي خون سان انصاف لاء ترقي پسند پارٽي طرفان ضلعي صدر اڪرم باجڪاڻي جيوڻ سبزوئي امداد کوسو ظفر ڀيو ۽ ٻين جي اڳواڻي ۾ احتجاجي ريلي ڪڍي پريس ڪلب آڏو ڌرڻو لڳائي سخت احتجاج ڪري نعريبازي ڪئي وئي ان موقعي تي اڳواڻن ميڊيا سان ڳالھائيندي ٻڌايو تہ قبائلي تڪرار سنڌ لاء ناسور آھن قبائلي تڪرارن جي آڙ ۾ سنڌ جي پڙھيل ڳڙھيل نوجوانن جو قتل عام ٿئي ٿو ھنن ٻڌايو ھڪ مھينو اڳ ھٿياربندن جي فائرنگ ۾ مارجي ويل وڪيل نورالاھي سندراڻي جي قاتلن کي پوليس گرفتار ڪرڻ ۾ ناڪام ٿي وئي آھي وڌيڪ اڳواڻن چيو جيتري تائين اصل قاتلن کي گرفتار ڪري قانون جي ڪٽھڙي ۾ نہ آڻبو اوتري تائين تڪرارن جو خاتمو نٿو ٿي سگھي مظاھرين مطالبو ڪيو تہ نوٽيس وٺي قبائلي تڪرارن کي ٻجو ڏيئي وڪيل نورالاھي جي قاتلن کي گرفتار ڪيو وڃي